Page 82 - Иван Мигалкин. Сүрэхтэн саҕыллар санаалар

Билиҥҥи да көлүөнэ ыччаттарга уратылаах талааннар ханна
барыахтарай — бааллар. Холобур, Сайа, Венера, Сабарай Илгэ
киһини сөхтөрөр, сөҕүмэр айымньыны айан кэбиһэр кыахтаахтар.
— Эн бэйэҥ төһө кинигэлээххиний, олортон сүрэххэр-быаргар
чугаһа ханныгый?
— Сахалыы уонна атын омук тылынан тахсыбыт кинигэлэр-
бин аахтахха, биэс уонча буолуохтаах. Олорум сүрэхпэр-быар-
бар бары чугастар.
— Үөһээ Дьааҥыга сылдьан Дмитрий Дыдаев уонна Василий
Дедюкин көмүс уҥуохтарыгар сүгүрүйэн кэлбитим. Кинилэр ик-
киэн саха поэзиятыгар ураты суоллаахтара. Дедюкин уонна Ды­
даев айан хаалларбыт нэһилиэстибэлэригэр тус бэйэҥ санааҥ?
— Дмитрий Дыдаев уонна Василий Дедюкин талааннаах
дьон этилэр. Кинилэр туту суруйан хаалларбыттарын бэчээттээн
таһаарыы суолталааҕа биллэр. Биһиги сойууслут командировка-
тынан, Константин Горохов, В. Дедюкин доҕоро, Дьааҥыга баран
кэллэ, кини билигин Дедюкин кинигэтин бэчээккэ бэлэмниир.
— Нуучча уонна омук биллиилээх суруйааччыларыттан кими
кытта доҕордоспуккунуй? «Норуоттар доҕордоһуулара — лите-
ратуралар доҕордоһуулара» диэн урукку ыҥырыы билиҥҥи кэм-
ҥэ суолтата?
— Нуучча уонна да атын омуктар суруйааччыларын кытта
сибээһим киэҥ этэ. Бары республикаларга, уобаластарга чугас
доҕоттордооҕум. Омук да сирдэригэр доҕоттордоох этим. Кини­
лэр билигин абыйаатылар. Сорохторун кытта билигин да сибээс-
тэһэбин. Холобур, Венгрияҕа Деви Стивен диэн сахалыы билэр
поэт доҕордоохпун. Кини билигин аан дойду поэзиятын антоло-
гиятын окоро сылдьар. Суруйсабыт.
— Литератураҕа кириитикэ уонна тылбаас билиҥҥи туруга Эн
санааҕар?
— Билиҥҥи кириитикэ таһыма миигин астыннарбат, литера-
туроведениеттан кыайан ере тахсыбат. Нууччалыы тылга тылба-
астаныыны кэҥэтии соруга туруохтаах. Ол — литературабыт аан
дойду таһымыгар тахсыытын төрүтэ.
— Эн олоххо уонна үлэҕэ сыаннаһыҥ, эдэр ыччакка алгыһыҥ?
— Олох диэн айыы-тутуу буолуохтаах. Үүнэр көлүөнэ ыччат
ол суолу тутуһуохтаах.
Хоту дойду хоһоонньута. — 2009 с.

78