Page 84 - Иван Мигалкин. Сүрэхтэн саҕыллар санаалар

элбэхтэ сэһэргэстэхпит буолуо, кини нуучча, омук литературатын
дириҥник билэринэн, элбэҕи аахпытынан өрүү сөхтөрөр идэлээх.
Онон киниттэн ыйыталаһарым хаһан да бүтэр уһуга көстүбэт
быһыылаах.

* * *
«Мин бэркэ билэр киһим — саха талааннаах поэта уонна су-
руйааччыта Иван Мигалкин аҕыйах сыллааҕыта саха суруйаач-
чыларын туһунан «Күн таммаҕын ыһыспыт дьылҕалар» диэн
ааттаах сүрдээх сонун уонна ол суруйааччылар тустарынан
баай матырыйааллаах кинигэтэ тахсыбытын бэлэхтии-бэлэхтии
эппитэ: «Эн Москваҕа Эллэйи кытта миигин уопсайбар аҕалан
билсиһиннэрбиккин кэпсээбиппин итэҕэйбэтэҕиҥ, киэргэтэн оҥо-
роҕун быһыылаах, мин тоҕо эрэ өйдөөбөппүн диэбитиҥ, ол иһин
кыыһыраммын бу кинигэбэр, элбэхтик көрсүбүппүт да буоллар,
эйигин киллэрбэтим...»
Мин ол кинигэтин аахтар-ааҕан сөбүлээн, биир тыынынан
түһэрэн кэбиспитим уонна өссө испэр ымсыыра санаабытым:
«Туй-сиэ, сатана уола! Хоп курдук суруйар эбит ээ», — диэн уон­
на миигин киллэрбэтэҕиттэн, кистээбэккэ эттэххэ, кыратык өссө
хомойон ылбытым. Кини суруйбутун кэннэ санаатахха, кырдьык
тылбар киллэрэн Эллэйи илдьэ сылдьыбыт эбиппин — барахсан
ылыннар эрэ судургу соҕус буолааччы.
Уйбаан быйыл 50 сааһын туолар эбит, онон эмиэ тугу эрэ тэ-
ринээри гыммыт дуу — миэхэ ыйытыы бөҕөнү биэртэлээбит. Аас-
пыт олохпун анааран көрө, ахта-саныы таарыйа олорго толору
соҕустук хардарарга быһаарынным.
— Семен Титович, эһиил Эн аан бастаан бэчээттэммитиҥ
үйэ аҥаарын туолар. Бу сыллар усталарыгар олоххор элбэҕи
биллиҥ-көрдүҥ. Ол гынан баран, литература эйгэтигэр үтүө өй-
дөбүлгүттэн биирдэстэринэн А. М. Горькай аатынан Литератур­
ней институкка үөрэммит сылларыҥ буолуохтаах. Бу институкка
ким сүбэтинэн, хайдах, хаһан киирбиккиний? Үөрэнэр сылларгар
хайа омук устудьуоннарынаан доҕордоспуккунуй, ханнык ааты-
рар суруйааччыларга үөрэммиккиний?
— Бастаан бэчээттэнии туһунан чуолкайдыыр буоллахха, ол
50 сылын быйыл туолуоҕа: мин «В родном селе» диэн нууччалыы
суруйбут хоһоонум «Молодой коммунист» хаһыакка 1954 сыл-
лаахха атырдьах ыйын бастакы күнүгэр тахсыбыта.
Оттон Литературней институкка биэс сыл үөрэммит кэмим,
кырдьык, саамай дьоллоох кэмим этэ диэхпэр сөп. Кимиэхэ
баҕарар, ордук бачча ыраахтан тиийбит оччотооҕу сахаларга,
80