Page 93 - Иван Мигалкин. Сүрэхтэн саҕыллар санаалар

дылы, бэркэ үөрэн күлбүтэ-салбыта, тараҕай төбөтүн имэрим-
мэхтээбитэ, «ол иһин Тоҥус оҕонньор кыайыахтаах этэ» дии-дии
хаах-хуух сөтөллүтэлээн ылбыта, билсиһии туһугар көмүс дуй-
даах быыкаа чыаппаҕар үрүүмкэлэргэ ханньаах кутуллубута.
Кини ити «нүөмэрин» дьиэтиттэн да атын сиргэ үөрүүнү кытта
көрдөрөөччү.
Биирдэ Литератордар киин дьиэлэрин рестораныгар (ЦДЛ)
аһаабыппыт, онно В.А. Солоухин кэлэн олорсубута. Атын остуол-
ларга да дьон элбэх этэ. Арай Николай Ивановиһым туран олоп-
поһу атаҕыттан көтөхтө, онтон аны ол үрдүгэр атын олоппоһу
ууран баран, көтөхтө уонна: «Чэ, ким көтөҕөр?» — диэн ыйыт-
та. Ким да буолбата. Солоухин мичээрдиир, күлэр этэ — бэркэ
билэр хартыыната быһыылааьа. Дьэ ардыгар оннук кыра оҕо кур-
дук быһыыланааччы!
Глазков киһи сөҕөр памяттаах этэ: бэйэтин хоһооннорун, бэл
тылбаастарын (тылбаастара да хара баһаам!), өскө барыларын
буолбатаҕына — үксүгэр өйүттэн ааҕааччы. Биир куоһура — Мен­
делеев элеменнэргэ периодическай систиэмэтэ — ол табылыыс-
сатын эйиэхэ туттаран кэбиһэр, көхсүнэн турар уонна нойосуус,
өлүү ыйааһыннарын этэн туран, ааҕан биэрэр. Онно-манна сы-
рыттаҕына ити «куоһурунан» дьону салыннарбытын мин хаста
да истибитим. Ол курдук, атын поэттар айымньыларыттан эмиэ
бэрт элбэҕи өйүттэн ааҕара. онто төһө эбитин тургутан көрбүт
суох. Хайдах эрэ этэ-сиинэ, өйө-санаата, туох баара барыта
хоһоонунан туола сылдьар курдуга, омуннуу тамнаан эттэххэ —
хорук тымырдарынан хоһулаһа-хоһулаһа хоһооннор устан хол-
дьугураһарга дылылара. Тылы тылга хатыйан, рифмалаан эҥин-
нээн, көрдөөх хоһоонунан этиилэри буккуйан-тэккийэн таһаара-
ра, олорго туох эрэ ис хоһоону киллэрэрэ уонна, машинкатын ин-
нигэр олоро охсоот, кумааҕы кыбытан бэчээттээбитинэн барара.
Ол иһин кини тылбааһы да дөбөҥнүк оҥороро — бастаан иһигэр
санаан ис сүнньүн булуо кэрэх уонна илиитинэн суруйбакка, ма-
шинкатыгар табыгыратан барара.
Бастакы разрядтаах күүстээх саахыматчыт этэ, поэзияҕа сыс-
тыбакка онно эрэ аҥаардастыы умсубута буоллар — аатырыа
эбитэ буолуо. Дубна куоракка баран атомщиктары кытары ха-
маанданан киирсэн үөрэн-көтөн ырдьайа мичээрдээн кэлээччи.
Мин киниэхэ элбэхтик сылдьыбытым — Арбакка даҕаны, Кун-
цевоҕа да олордохторуна, хоһооннорум «Лирические строфы»
диэн кинигэтин тылбаастаабыта. Саха сиригэр алтата сырыт-
та быһыылааҕа, сүүрбэ улууска тиийдим диирэ, тыа оҕонньот-
торун-эмээхситтэрин кытта сахалыы кэпсэтэн кинилэри олус
89