Page 94 - Иван Мигалкин. Сүрэхтэн саҕыллар санаалар

үөрдэрэ. Саамай сөбүлүүр доҕотторо Виктор Алданскай, Эллэй,
Николай Габышев, Москваҕа Баал этилэр. Виктор Федорович,
профессор, баай киһи быһыытынан сороҕор проеһын бэйэтэ
төлүүр быһыылааҕа — Глазков муҥнаах дьадаҥытык олорбута,
өлүөн иннинээҕи дьылларга эрэ кыана түспүтэ буолуо. Виктор
төлөөбүтүн төлөттөрөн турар — сатирическай хоһооннорун тыл-
баастатан «Крокодил» сурунаал библиотечкатыгар икки кинигэ-
тин таһаартарбыта. Аатырбыт поэты Василий Федоровы Глазков
дьиэтигэр хаста да түбэһэн көрбүтүм — мэлдьи саахыматтаһара
да, хотторон кэбиһэрэ. Мин көрөөччү эрэ буоларым. Биирдэ Ва­
силий Дмитриевич хотон санаатын көтөҕүнээри миигин оонньуох
диэтэ. Мин хаамыытын эрэ билэбин, онон фораҕа оонньуубун
диибин. Аты дуу, слону дуу босхо ылан баран киһибин алҕаска
хотон кэбистим. Кыһыйда, албыннаабыккын — тэҥ күүһүнэн оон-
ньуохха диэбитин: эн сэнээн кииртэлээн биэрдиҥ, мин кырдьык
мөлтөхпүн диэммин буолбатаҕым.
Глазков мэлдьи туруусуга да, туга да суох кус сыгынньах
сөтүөлүүбүн диэччи — Виктор Алданскай даачатын көлүкэти-
гэр оннук сөтүөлээбитин көрбүтүм. Онно кэпсээтэ — Ташкеҥҥа
ДУУ — куйаас баҕайы күн куорат киин болуоссатын фонтаныгар
сыбыс-сыгынньаҕын сөтүөлээбитин милииссийэлэр тутан илдьэ
барбыттар — куолулаан, командировочнайын көрдөрөн, таарыйа
хоһоон ааҕан быыһаммыт үһү. Бүлүү кумаардарын туһунан хо-
һооннорун Бүөтүр Тобуруокап биһиккигэ анаабыт этэ (биир кини-
гэтигэр, атын кинигэтигэр ол анабыл суоҕа — баҕар, редактора
соппута буолуо). Кинигэлэрин мэлдьи ыытааччы эбэтэр биэрээч-
чи, онно хайаан да бэлэх суругун: «Семена Руфова люблю я,
как волны чистого Вилюя», — диэн курдук хоһоонунан, сороҕор
акростих хоһоонунан айбыт буолар. Эҕэрдэ аккырыыкката да
үксэ хоһоонунан суруллааччы. Мин кинигэбин тылбаастаабытын
«Современник» редактора Милеткина кыраһаабысса сирэн Коля
биһикки ыккардыбытыгар кыра соҕус хараҥа былыт күлүгүрэн
ааспыттааҕа.
Чурапчыга ол Феоктист Софронов 50 сааһыгар тахса сылдьан
ол-бу мачайбыт син элбэх этэ. Олортон биирдэстэрэ — Глазков
күлэ-үөрэ доҕордуу эпиграммалары ай да ай буолар — ботугу-
руур, тыллары өрө-таҥнары ытыйар, табыллаах соҕуһу буллаҕы-
на үөрэн дьэргэлдьиччи көрүтэлээн ылар. Онно ордук «ытык
кырдьаҕаһын» доҕорун Эллэйи «аһаабытын-сиэбитин» сордуур,
оҕонньор «һы-һыах» эрэ диир. Биһиги бары да кыттыһан көрөбүт
да, көмөбүт дуона суох этэ. Арай биирдэ мин түмүктүүр икки
строкабын үөрэ-көтө ылынна (эмиэ Эллэй туһунан этэ):
90