Page 95 - Иван Мигалкин. Сүрэхтэн саҕыллар санаалар

С пустой бутылкой на плече
Пал смертью храбрых в Чурапче...
диэни. Төрүт умнааччыта суох — бука суруммута буолуо, оччоҕо
ити көрдөөх хоһоон архыыбыгар баар буолуохтаах.
Кини дьэбириэй суруйааччыларын сөбүлээбэт курдук туттаач-
чы буолан баран, кэргэнэ Росина Моисеевна ол омук кырасаа-
быссата этэ — макан биэ курдук төрөл, нууччалыы эттэххэ —
породистай улахан дьахтар кырдьан эрэрэ. Былдьыры этэ.
Соҕотох уоллаахтара, Коля кэлин биир саһааннаах киһи буолбут
быһыылааҕа, ювелир бэрдэ тахсан эрэрэ. Росина-хотун — худуо-
һунньук, улахан буолбатах, орто. Баҕар, кыра да буолуон сел:
ханна эрэ киэп уруһуйдуур дуу, чертежтуур дуу быһыылааҕа. Чэ,
Глазков туһунан элбэҕи ахтыахха сел — Москва аатырбыт поэт-
тара олус таптыыр киһилэрин туһунан. Өлбүтүн кэннэ өссө киэҥ-
ник сураҕырбыта, ону баара тыыннааҕар биһиги курдуктар Коля
дии-дии тэҥнээх киһи курдук туттарбыт, улуу киһини кытта оро-
хоччуһабыт диэн түһээн да баттаппат этибит. Бэйэтэ да наһаа
боростуойа, Москваттан сайын эргэ бачыыҥкатын быатын, кэ-
тэргэ-устарга улгум буоллун диэн, ылан быраҕан кэбиһэн баран
Дьокуускайга кэлээччи, арыт эмиэ эргэ бүрүүкэлээх, ковбойка-
лаах эрэ буолар, сороҕор бороҥ боростуой бинсээктээх буолар.
Киһи эрэ буоллар кыһын биирдэ да сылдьыбатаҕа — хайдах эрэ
таҥнан кэлиэ эбитэ буолла? 1979 сыллаахха өлбүтэ. Росина-хо­
тун ахтыы бэлэмнии сылдьара, миигин суруй диэбитэ — хан-
нааҕы сүрэхпинэн! Ол кинигэ 1989 сыллаахха отучча бэчээтинэй
лииһинэн тахсыбыта. Росина-хотун өлбүтэ үс сыл буолбутун кэн­
нэ... Биир дьикти «кинигэ» туһунан кэпсээн баран, бэйи, бүтүүм...
Ону, Ньукулай Хаабыһап «Шедевры» диэн кинигэтин эн би-
лэҕин — өссө миигиттэн көрдүү сылдьыбытыҥ. Арай 1963 сыл­
лаахха үөрэхпин бүтэрэн дипломмун ылан баран, Батожабайы
кытта Бурятиянан күүлэйдээн ааһаары, кини гонорарын ыларын
күүтэн мин хас да хонукка таах тэлбистээн сырыттым. Өй булан
биир ханньаагы ылан баран Арбакка Глазковтаахха бардым.
Уруй-айхал ортотугар кэһиибин сэлибир гынан бүппүппүт кэннэ,
киһим ол «Шедеври» көрдөрдө: Хаабыһап үксэ иккилии строка-
лаах нууччалыы көрдөөх хоһооннору суруйбут, ону Глазков он-
тон-мантан кырыйан ылан иллюстрациялаабыт эбэтэр сороҕун
Росина-хотун уруһуйдаабыт. 17 устуука, барыта күлүү-оонньуу,
хаадьылаһыы. Холобура, Баал уҥуох-тирии сирэйин Росина-хо­
тун үкчү уруһуйдаабыт, ол аннынан Ньукулай хоһоонунан:

91