Page 206 - Өксөкүлээх Уола 2009 223стр

АҔАМ ТУҺУНАН

Кыыһа Лариса Кулаковская

Аҕам туһунан бэчээккэ тахсыбыт ахтыылары барытын
ааҕабын уонна элбэх да киһи махтанар, кинини кытта ал-
тыспыт кэмнэрин олоҕун биир кэрэ кэрчигин курдук санаан
хаалар эбит дии саныыбын. Кинилэр үтүө өйдөбүллэрин иһин
барыларыгар ис сүрэхпиттэн махтанабын.
Кини курдук боростуойа суох олохтоох, сахалартан аан
бастакынан, Россия саамай ыарахан кэмигэр, улуу киһи оҕото
буолар дьылҕатын этинэн-хаанынан билбит личность туһу-
нан суруйар ылбычча дьыала буолбатаҕын, кимиэхэҕэ бары-
тыгар улахан эппиэтинэс буоларын өйдүүбүн..
Мин аҕабынан хайдахтаах курдук киэн тутгарбын, таптыыр-
бын, сүгүрүйэрбин, сүтүктүүрбүн ханнык тылларынан су-
руйуохпун билбэппин. Олорон кэлбит олоҕум улахан аҥаары-
гар күннэтэ алтыспыт киһиҥ саамай бэлиэ кэмнэрин анаа-
ран, сыымайдаан суруйар уустук сорук эбит. Суруйар дьоҕур
да суоҕа, тыл-өс да татыма моһуоктуур. Ол гынан баран,
аҕабытын саамай үчүгэйдик билэр биһиги, оҕолоро, буоллах-
пыт дии, онон кини туһунан суруйан бэчээккэ хаалларар
ыгык иэспит дии саныыбын. Оҕо сааспытыгар аҕабыт биэрбит
дуолан тапталын бииргэ төрөөбүгтэрим бары суруйан турал-
лар, оттон мин, кинини кытта улаатан баран, саамай уһун-
нук олорбут киһи, аҕам олох кырдьыы диэн кэрчигин хай-
дах олорбутун бэлиэтиэхпин баҕарабын.
Аҕам олоҕор үс таҥаралаах этэ, үйэтин тухары кинилэргэ
сүгүрүйбүтэ, айхаллаабыта-уруйдаабыта, өрө туппута. Ол —
Айылҕа, төрөппүт Аҕата уонна Оҕо. Туох баар олорбут олоҕо,
айбыт аймньыта, барыта, ону кэрэһилиир.
Оҕо сааспар ийэбин куруук бэрэски сыттааҕын, эбэтэр
чалбахха түһэн кэллэхпинэ, сып-сылаас ытыһынан илии-
бин, агахпын сылытарынан өйдүүбүн. Ыарыйдахпына хоон-
ньоһон сытан ийэм наҕыл куолаһын истэ-истэ, хайдах эрэ
дурдалаах-хаххалаах курдук сананан, үтүөрэн киирэн бара-
рым. Отгон аҕам утуйарбар, уһуктарбар, аһыырбар, оонньуур-
бар барытыгар баар. Устудьуоннуу сырыттахпына сүрдээх
баай ис хоһоонноох, олоххо үөрэтэр сүбэлэрдээх суруктары
суруйара. Каникулга кэллэхпинэ, автобустан түһэн баран,
дьиэбин көрдө көрбүтүнэн сүүрэ-хаама былаан дьоммун кууһа
охсоору ыксыырым, онно аҕам муус маҥан баттаҕа терраса
кирилиэһитгэн ыраахтан көстөр, оттон ийэм куукуна түннү-
гүнэн ас астыы-астыы кэтэһэн турара сүрэхпин нүөлүтэр.

204