Page 143 - Аржаков Степан Степан

Ааспы ттан кылгас ахтыы

Билигин сааһыран олорон санаатахха, ааспыт олох
үчүгэйэ элбэх курдук, ордук киһи киһиэхэ сыһыаныгар уон-
на үлэҕэ-хамнаска туох эрэ инники көрүүлээх уопсай дьыа-
лалар бааллара. Тула өттүҥ барыта — коллектив, общест-
во. Үлэлиир эйгэҥ көрдөбүлэ барыта — государство
туһугар. Ол иһин урукку кыра да тэрилтэ салайааччытыттан
саҕалаан дьоһуннаах баҕайы буолаллара.
Мин Степан Степановиһы республикаҕа биллэр уопут-
таах салайааччы быһыытынан билэр-көрөр, тылын-өһүн
араас таһымнаах мунньахтарга астына истэр этим да, илии
тутуһан, айах атан кэпсэтэн билсибэт этибит. Ол да буол-
лар хайдах эрэ чугас курдук сананарым.
Биирдэ, 1970 сыллаах күһүн, мин партия обкомугар тыа
хаһаайыстыбатын отделыгар инструкторынан үлэлиир кэм-
мэр көрсөн кэпсэппиппит. Онно кини Сергей Васильевтыы
өрүкүйбүт ыас хара баттаҕын өрө анньына-анньына киирэн
кэлээт, эйэҕэс баҕайытык дорооболоһоот: "Улуу Аммосов-
тан төрүттээх Нам ыччата эбиккин", — дии-дии миигин
хайы-үйэ билэр киһитин курдук кэпсэтэн барбыта. Онтон
иккис көрсүһүүбүтүгэр, кэпсэтиибитигэр күлэ-күлэ: "Бачча
эдэр киһи биир хос иһигэр кумааҕыны кытта туста оло-
роҕун, тыаҕа тахсан үлэлиэххин. Онно буоллаҕа дии киһи
кимэ-туга биллэрэ уонна дьоҥҥо-сэргэҕэ туһалааҕы
оҥороруҥ тута көстөрө", — диэбитэ.
Дьэ ити кэнниттэн өр-өтөр буолбатаҕа, биир сарсыарда
отделым сэбиэдиссэйэ П.К. Сидоров ыҥырда. Киһим табах
тардан бусхата олорор эбит уонна ачыкытын сотто-сотто:
"Дьөгүөр, барар буоллуҥ, билигин Иван Афанасьевичка
киирэбит, онтон 10 чааска Чиряевкэ", — диэтэ уонна ойон
тураат, кабинеттан батыаккалаһан тахсан бардыбыт.
Партия обкомун тыа хаһаайыстыбатыгар секретара
Иван Афанасьевич Матвеев кэтэһэн олороро билиннэ.
Мүчүҥнүү-мүчүҥнүү: "Уус Алдан райкомугар иккис секрета-
рынан барар буоллуҥ. Хата, үчүгэй оройуоҥҥа түбэһэн
эрэҕин, онно бастакы секретары Аржакову билэр инигин,
кини киһи табан үлэлэтиэ, онон санаарҕаама", — диэтэ. Он-
тон оруобуна 10 чааска Петр Кононович Гавриил Иосифо-
вич кабинетыгар аҕалан миигин соҕотохтуу үҥүлүтэн кэбис-