Page 109 - С.С.Аржаков, Н.Н.Петров. Военное лихолетье

Үлэлии-хамсыы сылдьар кэмигэр, дьон этэллэрин курдук, күүгүнэччи умайар
кулуһун уотунуу ыччаты үлэҕэ, уопсай дьыалаҕа угуйара, бэйэтин кырдьыксыт
уонна кыраны-кыамматы көмүскэһэр майгытынан дьон аҕыс кырыылаахтарын
бэйэтин тула түмэрэ. Саха уһулуччулаах поэта П.Н. Тобуруокаптыын аллар атас-
тыы этилэр. Партия обкомун бастакы секретара Г.И. Чиряев Үөһээ Бүлүүгэ тиий-
дэҕинэ, Спиридоновтар дьиэлэрин быһа ааспата. Кини дьоҥҥо киэн туттан биир-
гэ үөрэммит доҕотторун, саха саарыннарын Е.Д. Кычкины, С.С. Аржакову, онтон
да атыттары манньыйан олорон ахтара.
Туругурдуспут Кыайыы Знамятын аттыгар 60 сыллаах юбилейга тиийэн турбак-
ка, эрдэ өлбүтэ хомолтолоох.
Василий СИВЦЕВ,
РФ уонна СР культураларын үтүөлээх үлэһитэ

ОРДЕННААХ НАВОДЧИК

Үс орден, элбэх медаль кавалера, СР үтүөлээх учуутала
Михаил Софронович Егоров улахан олоҕу олорон аас-
пыта.Саллаат сиэрэй синиэлин кэтэн Орел куорат
көмүскэлигэр икки ыйы быһа инники кирбиигэ сылдьы-
быта. 1313-с артиллерийскай полк 70-с батареятыгар тан-
каны утарар пушка наводчига этэ.
Биирдэ биһиги пехотабытыгар ыксаллаах түгэн буол-
бутугар икки расчету көмөҕө ыыппыттара. Аҕабыт аах пуш-
каларын таһаҕас массыынатыгар холбонон, өстөөх ыгар
сиригэр ыстаннарбыттар. Ыраас хонуунан иҥнэл-таҥнал
түһэн истэхтэринэ, немецтэр харса суох ытыалаабыттар.
Снарядтар массыына иннигэр-кэннигэр дэлбэритэ бар-
быттар. Инники иһэр массыына табыллан, биирдэ үрэл
гыммыт. Кабинаҕа олорон иһэр батарея командира стар-
шай лейтенант Спирин салгыҥҥа көппүт, киниттэн туох
да ордубатах. Оттон аҕабыт аах этэҥҥэ тиийэн өстөөх огневой туочукаларын хампа-
рыта ытыалаабыттар. Итиннэ наводчик Егоров өҥөтө улахан буолбута.
1943 с. от ыйын саҥатыгар немец сорунуулаах кимэн киириини саҕалаабыта.
Орловскай-Курскай туһаайыыга кырыктаах сэриилэр саҕаламмыттара. Улахан ки-
мэн киирии бастакы омунун биһиги аҕабыт аах көрсүбүттэрэ. Уот будулҕан ортоту-
гар сылдьан ыараханнык бааһыран госпитальга сыппыта. Снаряд үлтүркэйэ тыҥа-
тыгар хатаммыта, сототун уонна сыҥааҕын буулдьа тосту көппүтэ. Ити кыргыһыыга
хорсунун көрдөрбүтүн иһин Кыһыл Сулус орденынан наҕараадалаабыттара.
Дойдутугар кэлээт, учууталлаабыта, үөрэх салаатын сэбиэдиссэйэ, оройуон сэ-
биэтин исполкомун председателин солбуйааччы, колхоз председателэ этэ.
Аҕабыт Ньурба 1 № -дээх орто оскуолатыгар производственнай үөрэхтээһини
тэрийэн, үөрэнээччилэр тракторист идэтин баһылаабыттара. Хортуоппуйу, оҕуруот
аһын үүннэриигэ ситиһиилэрин иһин оскуола биригээдэтэ норуот хаһаайыстыба-
тын ситиһиилэрин Бүтүн Союзтааҕы быыстапкатыгар кыттан боруонса медалынан
бэлиэтэммитэ. Үлэлиир ыччаты үөрэхтээһиҥҥэ эмиэ ылсыбыта. Ыччат киэһээҥҥи
оскуолатыгар директордаабыта. Тус бэйэтэ туруорсан, сүүрэн-көтөн 200 миэстэлээх
үөрэнэр дьиэни туттарбыта.
Кыһыл Сулус орденнаах М.С. Егоров сэрии кэннинээҕи түбүктээх үлэтэ Ок-
тябрьскай революция, “Бочуот Знага” орденнарынан бэлиэтэммиттэрэ.
Дьокуускайтан оҕолоро, сиэннэрэ

107