Page 231 - Ульяна Винокурова. Е. П. Жирков Сайдыы суолун солоон...

1 сыһыарыы

бэйэтин эбэтэр төрөппүтүн баҕатынан саха тылын үөрэтэри-
гэр усулуобуйа тэриллэр.
Төрөөбүт тылын сэргэ оҕо норуоттар бодоруһар тылла-
рын — нуучча тылын — дьаныһан үөрэтэр. Куорат уонна
тыа сирин уратыларын көрөн, нуучча тылын үөрэтии про-
граммата, учебнига варианнаан оҥоһуллар, кыра оҕо тэрил-
тэтигэр, I, II, III кэрдиис оскуолаҕа тыллары таба сааһыла-
ан, утумнаан үөрэтиллэр.
Национальнай оскуоланы бүтэрэр үөрэнээччи нуучча
тылын лаппа үчүгэйдик баһылаан, нууччалыы эйгэҕэ холку-
тук кэпсэтэн сылдьар уонна анал эбэтэр үрдүк үөрэххэ кии-
рэн салгыы үөрэнэр толору кыахтанар.
Национальнай оскуолаҕа омук тылын үөрэтиигэ улахан
болҕомто ууруллар. Нуучча тылынан сирдэтэн үөрэтии
таһынан, омук тылын төрөөбүт тылтан быһаччы үөрэтэр
программа, методика оҥоһуллар. Кэнэҕэски өттүгэр Европа
омуктарын тылыттан ураты, холобур, анал бэлэмнээһин
кылааһыгар илиҥҥи тыллары үөрэтии саҕаланар.
Билии-көрүү предметтэригэр программа тулалыыр
эйгэттэн, төрөөбүт кыраай географиятын, үүнээйитин, хара-
майын, историятын үөрэтииттэн саҕалаан, аан дойду хар-
тыыната арыллар гына оҥоһуллар. Үөрэтии дьоһуннаах
хайысхата экологияны билии, тыйыс хоту сир олохтооҕо
айылҕаны кытта тыыннаах ситимин чөлүгэр түһэрии буолар.
Үлэҕэ үөрэтии программатыгар уонна талан үөрэнэр
куурустарга үөрэнээччигэ экономическай билии төрүтүн
биэрии, ырыынак усулуобуйатыгар наада буолар хаачысты-
балары иҥэрии көрүллэр.
Эти-хааны сайыннарыы, үлэҕэ үөрэтии программатыгар
оҕону чэгиэн-чэбдик гына иитии, олоххо бэлэмнээһин,
төрүт идэҕэ уһуйуу сүрүн миэстэни ылар.
Гимназиялар, лицейдэр, колледжтар устаабы (балаһыан-
ньаны), уратылаах үөрэх былаанын уонна программаны
бэйэлэрэ оҥороллор.
Сорох үөрэх тэрилтэлэрэ улахан ирдэбиллээх үрдүк
үөрэххэ оҕону бэлэмниир эбии кылааһы аһаллар эбэтэр үрдүк
үөрэх матырыйаалыттан эрдэ киллэрэр колледж тииптээх на-
циональнай үөрэх тэрилтэлэрэ баар буолуохтарын сөп.

219