Page 135 - Кун кууьар хайатыттан

Хантан эрэ күүстээх тыал охсон, икки хараҕым уута саккыраа-
та. Саһылга хотой түһэн эрэрин курдук, сытыы тыас куугунуу
истэ. Маҥнай мин ол тыас хантан иһиллэрин да кыайан ой-
дөөбөтүм.
— Үчүгэйдик иһэҕин дуо? — диэн кини ыйыппыта иһи-
линнэ.
— Иһэбин! — диэн бараммын, били тыас биһиги күүстээх
айаммыт тыаһа буоларын дьэ өйдөөтүм.
Халлаан сырдаан хаалла. Ыаллардааҕар буолуох, сүөһү да
көстүбэт буолбута ыраатта. Баран иһэр суолбутун мин бил-
бэппин. Күн саа ытыыта үрдээбитин кэннэ тэбиэнин тэһии-
нин кыыс дьэ тарта. Тэбиэн буоллаҕына, үрүҥ күүгэнинэн
ыһыахтаммытынан көтөн испэхтээн баран, улам бытаарда.
Күн халлаан оройугар баарын тухары биһиги бытааннык
айаннаатыбыт. Онтон сөрүүн буолуута эмиэ көтөр кынаттаах
курдук бардыбыт. Киэһэлик ханнык эрэ үрэх кытылыгар кэ-
лэммит, тэбиэммитин атах баайаммыт, бэйэбит аһыы, сын-
ньана тохтоотубут.
— Буойун эккирэппит буоллаҕына, сарсын сарсыарда си-
тиэҕэ. Киниттэн атын биһигини ким да ситиэ суоҕа. Куоттах-
пытына эрэ быыһаныахпыт. Андаҕары толоруох тустаахпыт.
Кини ситтэҕинэ биһиги дьулайыа суохтаахпыт. Оннук буол-
бат дуо? — диэн кини ыйытта.
Туту да этэр кыаҕым суох буолан, көннөрү тоҥхоҥноон эрэ
кэбистим. Мин долгуйарбын көрөн, кыыс мичээрдии түстэ.
— Кини да син киһи буоллаҕа дии, кини сатыырын биһиги
да сатыахпыт. Эн куттаныма, өлөр кэллэҕинэ бииргэ өлүөхпүт!
Мин өйдөөбөтөх да суолбун кини соҕотоҕун тэрийбитэ,
таптал уотун миэхэ кини бэйэтэ умаппыта, ол буолан баран
мин да тапталым күүһүрэн-уоҕуран хаалла. Өлөртөн кут-
таммаппын, кинини эрэ кытта бииргэ өлүүм. Кытаанахтык
кууһан бараммын уураан ыллым.
Сарсыарда, от-мас бэйэтинээҕэр күлүгэ ордук уһун эрдэ-
ҕинэ, ыраах куоппас көтөн үрдүктүк күдээрбитэ көһүннэ. Ол
буойун эккирэтэн иһэр күдэнэ эбит. Кыыс тэбиэнин тохто-
тон, ох саатын иэҕэ тардыбытынан барда. Буойун ойутан кэ-
лэн хаһыытаата:
— Сааккыттан тахсыбыт баҕайы! Аны эн мин кулут дьах-
тарым буолаҕын!
133