Page 140 - Кун кууьар хайатыттан

«Ийэкээм!» диэн уйаннык саҥа аллайбыппар, кини унуох
илиитин мин диэки өрө уунан иһэн төттөрү налыс гынан
хаалла... Итинтэн ордук хамнаабакка, биир тылы саҥарбакка,
чуумпуран хаалла. Ийэм тымныйбыт түөһүн икки хараҕым
уутунан сууйдум...
Адам долгуйан эттэ:
— Ийэҥ дьолун көрүстэ... Эн саҥаҕын истэн баран өллө
эбээт кини, ооккоом!
Көрсүбүт сүпсүлгэҥҥэ туту барытын умнан кэбистим.
Ый халлаан оройугар ойбутун кэннэ аҕам ыйытта:
— Дьэ, тукаам, хайдах тиийэн кэллиҥ? Бачча тухары ханна
сырыттыҥ?
Аара хаалбыт кыыспын мин онно эрэ өйдүү түстүм.
— Аҕаа, мин ону кэнники кэпсиэм. Мин эһиэхэ кийиит
аҕаллым. Кини сүлбэ таһыгар кэтэһэн олорор.
Дьон бүтүннүү арыаллаан, чуумпу түүнү үөрүү айдааны-
нан аймаан, биһиги сүүлбэҕэ бардыбыт. Баран истэхпитинэ
бүдүгүрэ кырдьыбыт эмээхсин миигин алҕаан уунан ыста
уонна, иһитин эмиэ саҥа уунан толорон баран, биһигини
кытта барыста.
Сүлбэҕэ тиийбиппит кыыс да, тэбиэн да мэлийэн хаалбыт-
тар...
— Бу хайдаҕый? — диэн биир киһи дьиибэргээбит саҥата
иһилиннэ.
— Куттанан, ыал диэки бардаҕа дуу? — диэтэ иккис киһи
миигин одуулаһан туран.
— Ол туох сытарый? — дии түстэ үһүс киһи харан аҕа тэ-
йиччи туох эрэ барыҥныы хамныы сытарын ыйан туран.
Кырдьадастар туран хааллылар, биһиги ол диэки сырысты-
быт:
— Оо, кокуй7! Манна алдьархай тахсыбыт быһыылаах
дии! — диэн урут сүүрэн тиийбит киһи хаһыытыы түстэ уон­
на тохтуу түһэн, тыын ылан баран, эттэ: — Өлүү буолбут!
Баабыр тутан кэбиспит дии!
Кыыс төбөтүн илиитинэн хаххалана туттубутунан, өлөн
сытар эбит. Тэбиэн моонньунан сири сууралыыр, тэбиэлэнэр,
тыыннаах эрэ сытар. Мин охтон түһэн кыыһы куустум...

7 Кокуй — айманыыны, дьиксиниини көрдөрөр саҥа аллайыы.
138