Page 137 - Кун кууьар хайатыттан

Муҥунан ойон иһэр сүүрүк ат илин атаҕа салыбырыы түстэ.
Сүүрбүт омунугар ону билбэтэх курдук ойон иһэн, чугаспы-
тыгар кэлэн бүдүрүс гынаат, умса хоруйа түстэ.
Эр бэрдэ атыттан ыстанан кэбистэ уонна илиитин салыбы-
раппытынан биһиэхэ сүүрдэ.
Кыыс ох саатын туппутунан туран аргыый эттэ:
— Мин биир андаҕарбын толордум. Эн эр санааҥ иһин ик-
кис андаҕарбын бырастыы гынабын. Эр киһи, дьахтар даҕаны
чиэстэрин тэҥҥэ харыстыылларын өлүөххэр диэри өйдөөн
сырыт...
Биһиги эмиэ айаннаабытынан бардыбыт... — диэн оҕон-
ньор этэрин кытта чаҕылҕан түрдэҥнээн сырдыктык күлү-
мүрдээтэ. Онно оҕонньор бытыгын имэриммитэ көстөн ааста.
— Кырдьаҕаас, эн тыл кылаатын хаппаҕын аспыт курдук-
кун. Этиҥи даҕаны умнан кэбистибит. Халлаан сырдыыра
чугаһаатар даҕаны, эн кыыстаах уолу дойдуларыгар тиэрдэн
кэбис эрэ, — диэн көрдөстүм.
Биир аргыспыт эттэ:
— Ол буойун киһи эр бэрдэ да буолар эбит! Кыыс да уһу-
луччулаах, дьикти кыыс эбит! Сылдьыбыт киһиттэн бэйэтит-
тэн итини истибит ким умнуо буоллаҕай?!
— Эн да тус бэйэҕинэн сылдьыспыт курдук кэпсиигин, —
диэтэ атын киһи.
— Ээ, тукаам, кинилэр уһулуччулаах дьон буоллахтара дии.
Мин кэпсиирим кини кэпсээбитин аҥаарыгар да тиийбэт.
Кини кэпсиирин дьон бары айахтарын атан олорон истибит-
тэрэ, отгон кэпсиир дьоно субу көстөн турар курдук этилэр.
Оҕонньор эмиэ салгыы кэпсээн барда:
— Эр бэрдэ, хаҥас илиитинэн атын моонньуттан кууспу-
тунан, иччитэх куйаар ортотугар хамнаабакка, туран хаалла.
Тэбиэнин айанын бытаардыбакка иһэн оҕун ылан, кыыс туох
да саҥата суох тосту тутан баран, илгэн кэбистэ. Кини хал-
баҥнаабат кытаанах майгытын мин онно эрэ толору өйдөөтүм.
Тыал улам күүһүрэн барда, куйаар хонууну куоппаһынан
бүрүйэ сапта. Ким билиэй, баҕар, ол эр бэрдин ыар хомолто-
тун бэлиэтэ эбитэ буолуо?
Үс күн айаннаабыппыт кэннэ кыыс ыйытта:
— Көр эрэ, Дьарылыкчааныам! Ол хайалар эһиэннэригэр
маарыннаабаттар дуо?
135