Page 136 - Кун кууьар хайатыттан

Кыыс тэбиэнин ойоҕоһунан туруора охсоот, эттэ:
— Мин эппиппин толордум. Аккын төттөрү салайа оҕус,
сибилигин өлөрүҥ буолла.
Уонна тэбиэнин моонньугар өйөнөөт, оҕун киниэхэ ту-
һаайбытынан барда.
Саа ылар сиригэр чугаһаан баран, буойун саатын ылла
уонна тохтоон туран эттэ:
— Тыыннаах эрдэххинэ, манна кэл! Кэл да кэлимэ, син
биир кулут оҥостон арахсыам. Истэҕин дуо, эн?
— Мин этэрбин эн иһит: мантан төнүн. Эйиэхэ илиим
барбат. Өлүөххүн баҕарбаппын. Бэйэм чиэспин эрэ көмүс-
күүбүн, — диэтэ кыыс.
Буойун өссө чугаһаан, бэйэтин намтатыныан бэркиһээтэ
быһыылаах, кыыска булгуччу эттэ:
— Манна кэлэн миэхэ сүгүрүй! Эйигин тыыннаах хаалла-
ран, саллар сааһыҥ тухары кулут оҥостунуом.
Мөккүһэргэ ананан төрөөбүт кыыс буолан биэрдэ:
— Миигин кыайан кулут оностумматаххына, бэйэҥ ийэ-
ҕин ылаар, — диэн хаһыытаабытынан кыыс тэбиэнин ыытаа-
ры гынна.
Буойун, бааһырбыт хахай курдук, кылана түстэ:
— Оччоҕо өл! Бэйэҥ айыыҥ бэйэҕэр тиийдэҕэ буоллун! Өл!
Биһиэхэ туһаайыллыбыт саа уоһа чөнөрүктүйэ түстэ.
Кыыс тэбиэнин ойоҕоһунан төттөрү туруора охсоот, ик-
киһин эттэ:
— Эрдэтинэ төннө оҕус, эйиэхэ илиим барбат.
— Ыҥырар эрдэхпинэ кэлэ оҕус диэтим, сибилигин кулут
дьахтарым буолуоҕуҥ. Истэҕин дуу, суох дуу? Саҥар, хара ыт!
Кыыс оҕун ыытан кэбистэ. Буойун уҥа илиитэ, быһа кэр-
диллибит курдук, налыйа түстэ.
— Бырастыы, мин этэрбин истибэтэҕин. Сааһыҥ тухары
итини кэриэс гынан сырыт, — кыыс тэбиэнин суолга киллэр-
битинэн барда.
Эр бэрдэ өр тохтуу турбата. Хаҥас илиитинэн болотун хар-
баан ылла да, бөрө курдук айаҕын аппаччы аппытынан, кэн-
нибититтэн ойутта. Атын туйаҕа сири арыычча таарыйан ылар
быһыылаах. Кини болотун өнчөҕүнэн атын охсо-охсо ойутан
истэ. Онтон кыыс тэбиэнин эргилиннэри тарта да, хайа ха-
раҥаччытын курдук куорсуннаах оҕун утары ыытан кэбистэ.
134