Page 141 - Кун кууьар хайатыттан

Дьэ, тукаам, онтон ыла ити хомолтолоох ырыа дорҕоо-
но аргыстанан хаалбытым. Ити дорҕоон миигин эрэ кытта
сылдьар уонна миигин кытта бииргэ өлөн мэлийиэҕэ. Ырыам
кистэлэҥэ диэн ити буолар, тукаам! — диэн кини кэпсээнин
түмүктээтэ.
Сарсыҥҥы сарсыардатыгар оҕонньор миигин илдьэн кыыс
көмүллүбүт уҥуоҕун көрдөрдө.
— Дьэ, тукаам, кыыс оҕо манна сытаахтыыр. Хааһахтары
мин астарбатаҕым, бэйэтин кытта бииргэ көмнөрбүтүм. Онно
туох баарын арай көмүллэн сытар иинэ билэрэ буолуо. Маны
ким да киһи уҥуоҕа буолуо диэн сэрэйбэт эбээт. Корон кэ-
бис, тукаам! Күөх кырыһынан бүрүммүт көннөрү кыракый
сир очура турар. Сотору букатын да сири кытта тэҥнэһэн хаа-
лыаҕа... Мин билигин сүүс аҕыһым буолла. Сотору мин да
онно айанныырым буолуо.
Уонна хайдах эрэ үөрэ долгуйбутунан кини очур үрдүгэр
олорунан кэбистэ.
— Оҕонньор мөссүөнэ билиҥҥээҥҥэ диэри мин иннибэр
костон турарга дылы. Кыыһыгар, бука, бардаҕа да буолуо... Эр
бэрдэ буойун күтүөт да кытаанах санаалаах кыыс оҕону кор-
сүбүтэ ырааттаҕа! — оҕонньор бэйэтин кэпсээнин ити курдук
бүтэрдэ.
Этиҥнээх ардах ааста. Халлаан сырдаата... Биһиги, сытый -
быт таҥаспытын күҥҥэ куурда тэлгээн бараммыт, оҕонньор
саҥа кэпсээнин истээри, кэтэһэн олордубут.

ылыныы
(Кэпсээн)
Оҕонньорун майгытын бэркэ билэр буолан, Алмадай ар-
гыый аҕай эттэ:
— Эн оссо биирдэ өйдөөн-санаан кор эрэ, доҕоор. Кыыс-
пыт, биһигиттэн көҥүлэ суох, таптыыр уолун кытта барсан
хааллаҕына, эн биһикки туту гыныахпытый? Кинилэр туста-
рыгар биһиги быһаарыахпыт, кинилэр тапталларын биһиги
дьаһайыахпыт дуо? Эн даҕаны эдэр буолан сылдьыбатаҕыҥ
139