Page 144 - Кун кууьар хайатыттан

— Биир холкуостаах киһи. Аты эн курдук бэлэмнээччилэр
биһиэхэ суохтар. Мин аппын көрөн биэрбэккин эбээт.
Кырдьаҕас сылгыһыт ити тылы бэркэ сөбүлүү иһиттэ:
— Оҕолоор, сыҕарыйа түһүҥ эрэ, — диэбитинэн, тэһиир-
гээн дьэргэлдьийэ турар аты кини чинчилии көрбүтүнэн
барда. — Эһиги атын кэмҥэ төрөөбүт дьон буоллаххыт дии,
онон туйахтаах, сиэллээх сылгы буоллун да, «дьиҥнээх ат бу
баар» диэбитинэн бараҕыт. Ат дууһатын билиэххэ, кинини
таптыахха наада. Акка эһиги аны соччо наадыйбаккыт даҕа-
ны! Билигин массыынанан сылдьаҕыт, хотойдооҕор үрдүктүк
сөмөлүөтүнэн көтөҕүт, кынаккыт төбөтүнэн ыйы таарыйта-
лыыгыт. Ол эрээри эр бэрдин дьиҥнээх кыната — ат буолар!
Тукаам, атыҥ ханнык боруоданый, ким диэн ааттыыгын?
— Кыргызтаах донской боруода холбоспуттара, аата Төлөн
диэн буолар.
— Маладьыас!.. Һм... һм... өр үйэлээх буоллун эн атыҥ!
Мин тыалларбын да кытта сырсыан сөптөөх ат курдук көрдүм
эбээт.
Сабыр аты таптаан имэрийээри гыммытыгар, тураҕас ат
кулгаахтарын ньылатан баран, оҕонньору хоҥоруутунан ан-
ньыалаата. Сабыр буоллаҕына сылгыттан куттанары билбэтэх
киһи.
— Ээ, тохтоо, доҕор, хайдах буолаҕын? — дии-дии, оҕон-
ньор аты имэрийэ турда. — Маннык, маннык! Эн миэхэ
дьорҕойума. Эн майгыҥҥын мин билэбин: боччумнаах, ул-
гум, сүүрүк ат буолаахтыыгын...
Оҕонньору өйдөөбүт курдук, ат сымнаабытынан барда.
— Тукаам, атыҥ туох да эҥкилэ суох барахсан эбит, арай
арыый этиргэн эрэ соҕус эбитэ дуу?! Ат сүүрүүтүгэр дьолло
көрдөһөн көр... Бастыҥ буолбатаҕына, төрдүс дуу, бэһис дуу
бириискэ эн тураҕаһын', бука, тиксэрэ буолуо.
Оҕонньор тугу саныырын көнөтүк эттэ. Оттон Маанек
буоллаҕына атын чинчилэтэргэ кыһаммат этэ. Атынан сылта-
нан кини манна букатын туспа сыаллаах кэлбитэ. Ол баҕата
туолбата.
— Эн сөбүлүүр буоллаххына, мин төннүүм, аксакал, —
диэтэ кини. — Аппын сөбүлүү көрбүккэр баһыыба. Этэҥҥэ
сырыттахпына, ат сүүрүүтүгэр көрсүһүөхпүт.
142