Page 329 - Кун кууьар хайатыттан

— Утаххын ханнардыҥ дуо, тукаам? — оҕонньор аһыммыт-
тыы ыйытта.
— Махтанабын, аҕаккаа, — Шумкалпак маныыһыт сирэ-
йиттэн соһуйуу-өмүттүү бэлиэтэ сүппүтүн көрөн чэпчээ-
биттии өрө тыынна. — Арыгы кэнниттэн мэлдьи күүскэ
утатаҕын... — диэн симиттибиттии, мичээрдээн ыла-ыла, бул-
лугураата. — Дьэ иэдээнник утата сырыттым...
— Э-ээ, тукаам, арыгыттан сэрэнэр куолу, ордук манна, ха-
йаларга, сылдьан. Бу, олус эстибит-быстыбыт көрүҥнээххин,
бука, баттатан-өлөттөрөн отой да аһаабакка сырыттаҕыҥ... —
итинник этэ-этэ, оҕонньор дьиэҕэ астаммыт улахан лэппиэс-
кэни ылан тоһута тутта уонна кэлэн аһаа диэн даллах гынна.
Лэппиэскэни көрөөт, Шумкалпак субу аҕай куттаммытын,
кыбыстыбытын таһыччы умнан кэбистэ.
— Аччыкпын, аҕаккаа... Аччыкпын бөҕө... — кини хараҕа
лэппиэскэттэн арахпата. — Хайыы үйэ бу үс күн...
Улахан тооромоһу иҥсэлээхтик быһа ытырда да, кыайан
ыстаабата — сыҥаахтара хам ытыстан хааллылар. Саҥата суох
айраннаах симиирчэх диэки илиитин сараҥнатта.
— Тукаам, эйиэхэ олус куһаҕан да буолбутун иһин, төһө
да олус аччыгыҥ иһин сэрэнэ сатаа... — диэтэ оҕонньор, си-
миирчэҕи уунан баран.
— Үс күн... — Шумкалпак симиирчэҕи сиргэ уурда.
Ситэ ыстаабатах лэппиэскэтэ куолайын хатыылааҕынан
аалла. Эмиэ айран иһэн киллиргэттэ. Саҥа тооромоһу тииһи-
нэн бойумнук быһа тардан ылла, эмиэ ыстыы да сатаабакка
дьүккүк гыннаран кэбистэ — онтон биирдэ, эмиэ биирдэ...
Онтон хараҕын үрүҥүнэн-харанан быччаччы көрөн кэбис­
тэ — хайдах да ыйыстар кыаҕа суох. Оҕонньор эмиэ симиир-
чэҕи уунна.
— Айранынан сырыһыннар, тукаам, — кини аһыммыттыы
эттэ. — Ыксаама, аччык киһи ханна ыксыаҕай?
Шумкалпак хаста да ыйырбахтаан ылла. Эмиэ лэппиэскэ
үрдүгэр түһүөн санаата эрээри, аны туран, тохтоло суох бөтөн
барда. Оннук чочумча олордо, титирэстиэр диэри тииһин хам
ытыран, бүтүн бэйэтэ бөтөрө бэрдиттэн мээнэ-мээнэ өрүтэ
тартаран.
— Барахсан, алые да аччыктаабыккын... Ити барыта үөрү-
йэҕэ суоххуттан. Дьыл баччатыгар аччыктыахха сөп үһү дуо?
327