Page 327 - Кун кууьар хайатыттан

Бачыыҥкатын абырахтаан бүтэн баран, Шумкалпак чочум-
ча санааҕа ылларан олорболуу түспүтэ. Ол кэннэ хас да ытыс
маймындьааны сиэн баран, бүтэһиктээхтик быһаарынан, ма-
ныыһыт баар буолуо диэбит сирин диэки, тулатын кэтэнэн
көрө-көрө, сэрэнэн-сэрбэнэн хаама турбута.
Шумкалпак кырдьаҕас маныыһыты ыраахтан көрбүтэ, ол
эрээри тута чугаһыаҕын дьаархаммыта, ыраахтан маныыһыты
кэтээн уонна тулалыыр сири чуҥнаан-сибикилээн өр турбута.
Оҕонньор сыбыдахтаммыт атын мэччитэ ыытан баран, ок-
ко тэлгээбит чепкенигэр24 өттүгэстээн сытара. Хой үөрэ том-
тордорунан ыһыллан мэччийэ сылдьара.
Шумкалпагы аан бастакынан ат билбитэ. Кинини олус
болҕомтолоохтук тонолуппакка көрбүтэ уонна, эмискэ хантан
эрэ кэлэн хаалбыт киһини дьиктиргээбиттии, иҥэрсийэн ыл-
быта, кистээн дьырылаппыта.
Оҕонньор, онно тута хайыһан, Шумкалпак диэки көрүөн
сөп курдуга даҕаны, хамнаан да көрбөтөҕө, чепкенигэр өттү-
гэстээбитин курдук өттүгэстээн сытара.
«Нуктаабыт дуу? — дии санаабыта Шумкалпак. — Арай ки-
ниэхэ отой да көстүбэтэхпинэ? Ол эрэн... Эмиэ да маныыһык-
ка анаан-минээн барбытым дии, ол бэйэм аны билигин көрүө
диэн куттанабын... Кутталбыттан букатын булкуллан эрэ-
бин...»
Көнөтүк, эһэ тайаҕын хаппыт умнастарын сурдурҕаччы-
тордурҕаччы тоһута үктүөлээн, Шумкалпак маныыһыкка
хаамта. Биирдэрэ хаамар тыаһы истэн дьэ өндөйдө, аттыгар
сыппыт бэргэһэтин ылан наҕыллык кэттэ уонна ол эрэ кэннэ
кини диэки хайыста.
«Бу түҥкэтэх сиргэ киниэхэ киһи дуу, ыт дуу кэлбитэ ха-
йата да син биир курдук...» — дии санаата Шумкалпак, чу-
гаһаан иһэн.
— Ассаламу алейкум! — Шумкалпак тохтоон эҕэрдэлээтэ.
Ол гынан, бэйэтин саҥатын истэн билбэтэ. Күөмэйигэр
туох эрэ туран хаалбыкка дылы, тыллар холкутук кутуллан
тахсыбаттар, уруйдуур эҕэрдэҕэ барбах маарынныыр саҥа
дуома эрэ хордурҕаан-хардырҕаан иһилиннэ. Баҕар, үс күн
устата кимниин да кэпсэппэтэх буолан, бэйэлээтэр бэйэтин

24 Чепкен — эр киһи тас таҥаһа (армяк).
325