Page 324 - Кун кууьар хайатыттан

— Иччитэ кэрээниттэн тахсыбыт дьиккэр буоллаҕына, ыта
эмиэ оннук күтүр! — диэн оргууй аҕай баллыгыраабыта. —
Өскө иччитэ өлбүт ыалын ахта-саныы даҕаны кэлбэт буол-
лаҕына, ыта ахтыы аһыгар анаммыт ирик20 хой тириитин
көрдөрбүтүнэн апчарыйар...
Шумкалпак ыты моонньуттан хапсаҕайдык харбаан ылаат,
бензиннээх канистраны таҥнары туппута уонна испиискэ-
тин «сыр!» гыннарбыта... Бензин биирдэ күлүм гыммыта, уот
төлөнө Шумкалпак кыламанын уонна хааһын уматан сирэйин
салаан ылбыта. Ол икки ардыгар умайа сылдьар Эркеталтан
сарайтан ойон тахсан, онно-манна кэтиллэ-кэтиллэ, хортуоп-
пуй буолатын унуордаан ситэн ахан турар бурдук диэки ыс-
таммыта... Үгэс курдук, барбах соһуллаҥныыр ыт, билигин
адьас сууллар сулустуу күлүмнээбитинэн, кынаттаах кэриэтэ
субуруйбута.
Аил ыттара дьүүлэ-дьаабыта суох үрэн барбыттара, дьон
ыһыыта-хаһыыта иһиллибитэ. Шумкалпак, көрбүтүн итэҕэй-
бэккэ, биир сиргэ хам хараҕаланан хаалбыта. Сир уонна халлаан
биир буола силлиһэн-силбэһэн хаалбыт курдуктара, отгон
сиппит бурдуктаах бааһына устун халлаантан сууллубут сулус,
ханна да барыан билбэттии, өрө-таҥнары субуллаҥныыра...
— Эн итинниги оҥорор кыахтаах эбиккин дии!.. О-оо, нэ-
гэй!.. — Шумкалпак кулгааҕар итинник уордаах хаһыы иһил-
либитигэр хайыһа биэрбитэ.
Күрдьэҕин күөрэччи көтөхпүтүнэн кини диэки Омурбек
сүүрэн иһэрэ.
...Шумкалпак хараҕын иннигэр боронуйга хайалар бы-
һыылара бытааннык ойууланан, дьирбиилэнэн тахсаллара,
сир кып-кыра, кып-кыараҕас курдуга, туда өттүттэн кинини
тута сатыыр дьон илиитэ сарбаҥныыра, эмиэ да сир мунура
биллибэт улахан, уйаара-кэйээрэ суох буолан ылара, эмиэ да
сырсан иһээччилэртэн куотан да туһа суохха дылыта...
Шумкалпак сири таарыйар-таарыйбат дугунан хайалар диэ­
ки сүүрэн испитэ.

20 Ирик — аттаммыт атыыр хой.
322