Page 328 - Кун кууьар хайатыттан

саҥата букатын тосту туоратык иһиллибитэ дуу, Шумкалпак,
оҕонньор аттыгар туох эмэ ыстыыр баара буолаарай диэн
тиҥсирийэ көрөр кэмигэр, иһигэр ким эрэ олохсуйан хаалан
баран кэпсэппитэ буола сатыырын курдук.
— Алеки!.. — оҕонньор бэрт холкутук хоруйдаата уонна,
насвайын25 силлээн баран, сэргэстэһэ олор диэн илиитинэн
ыҥырда. — Бу будулҕаҥҥа табыллыы аргыстаһар дуу?
Шумкалпак өмүттэн хаалла. Маныыһыкка кэлэн иһэн, ба­
ры ыйытыгы-хоруйу эрдэттэн ыараҥнаппыт курдуга да, ман-
нык ыйытыа эрэ диэн күүппэтэх буолан олус соһуйда. Со-
руйан уһуу сатаан, бытааннык чепкен кытыытыгар олорунна.
— Бу... Аара баран иһэн... Көннөрү туораан таҕыстым... —
диэтэ кини, тартаран ыла-ыла.
Харахтара арыый тэйиччи тэлгэххэ сытар симиирчэххэ ха-
таннылар, сонно кини хам барда.
Оҕонньор туох эрэ диэтэ эрээри, ону Шумкалпак арааран
истибэтэ, чочумча буолаат, дьэ өйдөнөн, хос мээнэ ыйытта:
— Тугуй?.. — онтон аны эмискэ тэһэ барда. — Аҕакка,
эйиэхэ тамах сиигирдэ түһэр туох эмэ баар дуо?!
Бэйэтэ симиирчэҕи тобулу көрөн олордо, кини бэйэтэ
буолбакка, били атын туох эрэ, кини иһигэр олорон эҕэрдэ-
лэһээччи, ыйытарын курдук.
- И -ии, тукаам, туох ааттаах эмискэ кубарыйдыҥ? —
оҕонньор, туох эрэ сатаммат баарын таайбыттыы, сулбу ойон
туран, симиирчэҕи аҕалан, быатын сүөрэн, куолайын аппатта
уонна Шумкалпакка уунна.
Бастакы ыймах кэннэ Шумкалпак оҕонньор баарын туһу-
нан уонна туохха түбэһэн сылдьарын да туһунан таһы-быһа
умнан кэбистэ. Кини симиирчэххэ хам хатанна, бастаан иһэ-
рин да билбэккэ дылыта, онтон дьэ айраны иҥсэлээхтик ый-
махтыы турарын өйдөөтө уонна онто эмиэ түүл буолан хаал-
батын туһугар таҥараттан көрдөстө...
Тыын ылан бөтүөхтүү-бөтүөхтүү, төбөтүн өрө көтөхтө,
уун-утары соһуйа иһийэн хаалбыт оҕонньор турарын дьэ өй-
дөөн көрдө. Бастаан, саат-кыбыстыы, онтон «маныыһыт кини
иннигэр ким турарын сэрэйдэ, биллэ!» диэн кутгал долгунна-
ра кинини сабыта оҕустулар.

25 Насвай — ыстыыр табах көрүҥэ.
326