Page 330 - Кун кууьар хайатыттан

Тула бары барыта баар, хас талах, хас силис киһиэхэ ас буо-
лар кыахтаах... Хас дьиэҕэ даҕаны баччаҕа киирэҥҥин аһаан
да диэн астарын аччатыаҥ суоҕа. Сынньана түс, куртаххын
уоскут, ас ханна да куотуо суоҕа...
Оҕонньор тугу эрэ салгыы баллыгырыыра даҕаны, Шум-
калпак кини этэр тылларын суолталарын иилэ хабан ылбат
этэ, онтон устунан маныыһыт саҥарарын букатын да истибэт,
аахайбат буолбута. Кини астан итирэн хаалбыта.
Онтон эмискэ санаата: «Бу бэрт ыраах хой үөрүн маныы
сылдьар, бэйэтэ да бодоҥ оҕонньор өйүөтүн былдьаан сиэх
кэриэтин... Ама, саатар-кыбыстар диэн хаалбатах дуо? Хай­
дах бэйэтин туттуммакка-кыатаммакка, итинниккэ тиийэн
хаалла?..»
Бэйэтин буруйдаах курдук сананан, оҕонньору көрүөн да-
даны толлон-торуттан, кумуйан хаалан баран олордо.
— Ити гынан хантан сылдьабын диигин? — маныыһыт
Шумкалпак туругун таайан кэпсэтиини атыҥҥа көһөрдө.
— Итирик этим, оннук мунан хаалбытым... — оҕонньор
кини ким буоларын таайыан кэриэтэ буор иһээччи сылдьар
эбит диирэ ордук дии санаата.
— Оттон мантыҥ табылгы26 угуттан оҥоһуллубут дуо? —
маныыһыт, икки хонуктааҕыта оҥостон баран, Шумкалпак
илиититтэн араарбакка илдьэ сылдьар тайаҕын ыйбыта. —
Мин уолум, төһө даҕаны тимир собуотугар үлэлээтэр, эмиэ
маннык курдук мастан кыһарын-уһанарын сөбүлүүр, — тайах
маһы илиитигэр ылбыта. — Көр эрэ, анаан үүннэрбиттэрин
курдук дии... Бу эриллибитгэрэ хайдах курдук кэрэтик лоп-
поһон, дьэрэлиһэн тахсыбыттарый?..
— Иллэрээ күн булан оҥостубутум, — диэбитэ Шумкалпак.
— Мин уолум, миэхэ кэллэ-кэлээт, арчалаах сиргэ тута
ыстанар, сарсыардаттан киэһээҥҥэ диэри сөптөөх маһы,
мутугу-итиги көрдөөн сыралаһар, онтон, ити эн оҥорбутуҥ
курдук, ону-маны кыһан-кыччайан таһаарар. Биирдэ арчат-
тан мин төбөбүн кыһан оҥорбута. Дьэ үкчү мин төбөм этэ...
Мин киниэхэ: «Ити солуута суох дьарыккын бырах», — дии-
бин. Оттон кини баҕарбат, — оҕонньор астына мичээрдээн
күлбүтэ. — Мин киниэхэ дьиэтигэр куоракка бара сылдьыбы-
26 Табылгы — соҕурууҥҥу талах тамалҕан (спирея).
328