Page 165 - Дойдум Уус-Алдан Хорого

-------- —■ , 1 1 Хоро нэһилиэгин историята = : ............................. .......... : :

киэһэ колхоз кэнсэлээрийэтигэр сыбаайба остуолун курдук тардыллыбыт остуолга оччотооҕу кэмнэ
аһаныллар ас бастына остуоллары толору тардыллыбыта. Бырабылыанньа чилиэннэрэ, бири-
гэдьиирдэр, колхоз бастын үлэһиттэрэ бааллара.
Оройуон кииниттэн Оҕуруоттан биһиэхэ «Воробьев» бөһүөлэгэр хонтуора таһыгар элбэх киһи
мустубут этэ. Тугунан кэлбиттэрин өйдөөбөппүн. Оройуонтан бэрэстэбиитэллэр эмиэ бааллара.
Колхоз бырабылыанньатын састааба ыраахтан кэлбит ыалдьыттары эйэҕэстик дорооболоһон,
остуолга олордон итии аһылыгынан аһаппытынан барбыттара. Аһылык кэмигэр хардарыта тыл,
этии, колхоз олоҕун-дьаһаҕын билиһиннэрии бырабылыанньа председателэ Дмитрий Никандрович
Копыринтан саҕаламмыта. Хардары этиини кос дьон баһылыга Кузин Федор Тихонович диэн
коммунист, нуучча киһитэ туох идэлээх, төһө кэргэттэрдээх дьоннор кэлбиттэрин туһунан бэрт
киэнник кэпсээбитин мустубут дьоҥно тылбаастаабыттарын бэркэ сэнээрэн истибиттэрэ.
«Кыһыл маяк» колхозка барыта алта хаһаайыстыба кэлбитэ. Кинилэр истэригэр:
Милентьев Яков Павлович 1919 с. төрөөбүт, омугунан нуучча, коммунист, хаһаайысты-
батыгар алта кэргэннээх. 15.08.41 с. армияҕа барбыт.
Арьеркин Павел Тимофеевич 1913 с. төрөөбүт, хаһаайыстыбатыгар үс чилиэннээх. 11.08.41
с. армияҕа ыҥырыллыбыт.
Милентьев Алексей Павлович 1907 с. төрөөбүт, нуучча, сэттэ дьиэ кэргэннээх, идэтинэн
уус. 11.08.41 с. армияҕа ынырыллыбыт, 1945 сыллаахха демобилизацияламмыт.
Баранчиков Петр Андреевич 1892 с. төрөөбүт, нуучча, сэттэ дьиэ кэргэннээх.
Пищиков Матвей Иванович 1909 с. төрөөбүт, мордвин, биэс дьиэ кэргэннээх. 11.08.41 с.
армияҕа ынырыллыбыт.
Бу ааттаммыт хаһаайыстыбаларга колхоһу сүөһүлээҕин бэрэдээгинэн ынах сүөһү бэриллибитэ.
Ону сорохтор өлөрбүттэрэ. Кинилэр сүөһүнү иитиигэ дьоҕурдара суох эбиттэр. Колхозка үс сыл
устата чилиэн быһыытынан сылдьан баран, сорохторо армияҕа баран, сорохторо атын сиргэ көһөн
1943 с. бары барбыттара.
«Кыһыл агроном» колхозка эмиэ алта хаһаайыстыба кэлбитэ:
Муругов Николай Ильич 1898 с. төрөөбүт, омуга мордвин, үөрэҕэ суох. 23.07.42 с. Чурапчы
военкоматынан үлэ фронугар ынырыллан баран, 1943 с. эргиллэн кэлэн ыалдьан өлбүт. Кини
хаһаайыстыбатыгар: кэргэнэ Василиса Федоровна, кыыһа Александра Николаевна, уола Владимир
Николаевич кэлбиттэрэ.
Грачев Федор кэргэнэ Пелагея, уолаттара Николай, Миша, Сергей. Нестерев Иван үс уол-
лаах. Пронин Григорий Иванович мордвин. 15.08.41 с. Чурапчы военкоматынан армияҕа ыны-
рыллан баран, сэриигэ сураҕа суох сүппүт. Кинилэри кытта өссө Влазнев, Баранов диэн хаһаа-
йыстыбалар бааллара. Кинилэри икки квартиралаах дьиэҕэ үстүү хаһаайыстыба гынан олор-
путтара.
«Куотука» колхозтан Чудаев Павел Федорович 1913 с. төрөөбүт, мордвин. 01.03.42 с. Чурап­
чы военкоматынан ынырыллан баран, 24.07.43 с. сэриилэһэ сылдьан өлбүт. Чудаев Иван Федо­
рович, Чудаев Павел Федорович Аҕа дойду сэриитигэр баран өлбүттэр. Шаповал Виктор
Васильевич 1922 с. төрөөбүт, омугунан украинец (нуучча), комсомолец, Аҕа дойду сэриитигэр
хорсуннук сэриилэһэн Бойобуой Кыһыл Знамя ордены ылан баран, сэрии толоонугар охтубутун
туһунан биллэрии 1942 сыллаахха кэлбит. Кэргэнэ Татарова, кинитгэн биир уол, биир кыыс хаалбыт.
Шестов диэн чуваш киһитэ оройуоннааҕы бэкээринэҕэ үлэлээбит. Итини таһынан икки тулаайах
уолаттар бааллар эбит.
Бу хаһаайыстыбалар бука бары Молдовияттан кэлбиттэр.
Ити курдук Молдавскай ССР сорох дьоно сэриигэ баран улуу кыргыһыы толоонугар уһун
уҥуохтара урусхалламмыта. Сорохторо биһиги оройуоммут бастайааннай олохтоох гражданнара
буолан, оҕо-уруу төрөтөн олохсуйбуттара.
/Сэтиннъи 20 күнэ 1994 с./

161