Page 197 - Дойдум Уус-Алдан Хорого

1 , = = Хоро нэһилиэгин историята 1 1 = = ... =

Чарак бэйэтин олохтооҕо, ол кэмнэргэ Мындааба начальнай оскуолатыгар учууталынан үлэлиир
Агафья Николаевна Крылова сэбиэдиссэйинэн анаммыта. Онон атырдьах ыйын 1 күнүгэр детсад
иитиллээччилэри ылбыта.
Сылтан сыл Чараҥ бөһүөлэгэ улам кэҥээн нэһилиэнньэтин ахсаана элбээн испитэ. Оҕолорун
оҕо общественнай тэрилтэтигэр иитиигэ биэриэн баҕалаах колхозтаахтар туруорсуулара эмиэ
кэҥээбитэ. Боппуруос бөһүөлэк олохтоохторун уопсай мунньаҕар дьүүлгэ турбута. Колхоз тутууга
толору үбү биэрэр кыаҕа суоҕунан общественность бэйэтин күүһүнэн тутууну босхо ыытарга
быһаарбыта. Саҥа, киэҥ-куоҥ 50 миэстэлээх детсад алтынньы 21 күнүгэр 1964 сыллаахха үлэҕэ
киирбитэ. Ити кэмтэн ыла Агафья Николаевна Крылова 13 сыл устата Чараҥнааҕы детсадка
сэбиэдиссэйдиир сылларыгар тэрилтэ материальнай базата бөҕөргөөбүтэ, хаҥаабыта. Элбэх ме-
тодическай пособиелар, оҕо оонньуурдара, инвентардар булуллубуттара. Онон, оҕо учреждениета
бастыҥ үлэлээх иитэр тэрилтэлэрин ахсааныгар киирэн, оройуоҥна үһүс миэстэни ыла сылдьыбыта.
Агафья Николаевна бэйэтин саталлаах салайааччы эрэ буолбакка, нэһилиэк общественнай
уонна культурнай олоҕор мэлдьи кыттар активистка быһыытынан биллибитэ. Кини Хоро нэһилиэгин
Советын депутатынан, народнай суут сэтээтэлинэн, табаарыстыы суут председателинэн үлэлээбитэ,
уус-уран самодеятельность активнай кыттааччытын быһыытынан нэһилиэнньэ улахан убааста-
былын ылбыта. Кини оскуолаҕа киириэн иннинээҕи саастаах оҕолор эт-хаан өттүнэн доруобай
буола улааталларыгар, үөрэххэ киириилэригэр сөптөөх билиилээх буолалларыгар элбэх дьоҕурун,
билиитин биэрбитэ. Ол иһин партия уонна правительство кинини «Килбиэннээх үлэтин иһин»,
«В.И.Ленин төрөөбүтэ 100 сылын туолуутун бэлиэтиир», «Үлэ ветерана» медалларынан наҕа-
раадалаабыта. Кини социалистическай куоталаһыы кыайыылааҕа значогунан, элбэх дипломнарынан
уонна грамоталарынан бэлиэтэммитэ.
А.Н.Крылова билигин төһө да пенсияҕа олордор, ыччаты иитиигэ элбэх сыратын биэрбит тэ-
рилтэтин күннээҕи олоҕуттан туора турбат. Кини эдэр иитээччилэргэ бэйэтин баай опытынан,
практическай сүбэлэринэн күннэтэ көмөлөһөр. Ардыгар итинэн эрэ муҥурдаммат. Бүттүүн дьиэ
кэргэнинээн үлэ чааһын кэнниттэн оҕо саадыгар кэлэн көмөлөһө сылдьалларын түбэһэ көрүөххэ
сөп. Чарашта оҕо тэрилтэтэ төрүттэммитэ 20 сылын туолар күннэригэр үүнэр көлүөнэни иитиигэ
өр кыһамньылаахтык үлэлээбит маҥнайгы сэбиэдиссэйгэ А.Н.Крыловаҕа нэһилиэк уонна тэрилтэ
общественнай олоҕор салгыы активнай кыттыыны ыларыгар, дьонугар-сэргэтигэр үтүө
доруобуйаны, дьоллоох олоҕу баҕарабыт.
Н. ОРЛОВ,
«Ленинскэй тэрийээччи», 23.06.1984 сыл.

Тимир көмүс уустара
1. Кычкин Василий /Хойтох/- МТС, Майаҕаска.
2. Ноговицын Алексей Филиппович /Мүһэй/ Саараабыт аҕата. МТС, Майаҕаска.
3. Ховров Никон Петрович - Майаҕаска, МТС-ка.
4. Крылов Прокопий - Куотука колхозка.
5. Тролуков Роман Семенович - МТС ууһа.
6. Бурцев Николай Иннокентьевич - /Ньолҕооруйа/- Нэлим. Көмүс, тимир ууһа.
7. Бурцев Степан Егорович - Чаран. Көмүс, тимир ууһа.
8. Копырин Николай Николаевич - /Ньукулаас уола/ Тыаныкы. Көмүс, тимир ууһа.
9. Орлов Михаил Иванович - Илин үрэх. Тимир ууһа.
Мае уустара

1. Тролуков Степан Иосифович - Нэлим. 7. Жирков Николай Онуфриевич.
2. Тролуков Гаврил Семенович - Нэлим. 8. Бурцев Семен Гаврильевич.
3. Тролуков Алексей Семенович - Нэлим. 9. Протодьяконов Семен Иванович.
4. Тролуков Василий Семенович - Нэлим. 10. Протодьяконов Гаврил Иванович
5. Орлов Михаил Иванович. 11. Бурнашев Ксенофонт о.д.а.
6. Орлов Семен Иванович.

193