Page 194 - Дойдум Уус-Алдан Хорого

Дойдум - Уус-Алдан Хорою =: ........ = =

6. «1941-1945 сс. Аҕа дойду Улуу сэриитигэр килбиэннээх үлэтин иһин» медаль.
7. 1949 сыл балык промышленноһын Сибиирдээҕи главнай управлениетын махтал суруга.
8.1948 сыл Туйгун Стахановскай үлэтин иһин балыкуобаластааҕы профсоюһун махтал суруга.
9. «СССР балыкка промышленноһын Министерствотын социалистическай куоталаһыы туйгу-
нугар» диэн 1950 сыл бэс ыйын 1 күнүгэр түөскэ анньынар значогунан СССР балыкка промыш-
ленноһын Министерствотыттан наҕараадаламмыт.

Бурцев Роман Иванович автобиографията

Роман Иванович Бурцев 1898 сыллаахха Бороҕон улууһугар Хоро нэһилиэгэр Быйды алааска
дьадаҥы бааһынай кэргэҥҥэ төрөөбүтэ. Ийэтэ Екатерина Петровна Колодезникова (Бэрт-Ууһа,
Эхтэһийэ аҕатын быраатын кытта бииргэ төрөөбүт). Аҕата Иван Константинович Бурцев, Бороҕон
улууһугар Хоро нэһилиэгэр Быйды алааска олохтоох дьадаҥы бааһынай. Роман Иванович Боро-
ҕон улууһун киинигэр, Томторго ШКМ оскуолаҕа үөрэммитэ.
1930 с. үөс ыалын олохтоохторо уонна халдьаайы Даккы, Быйды, Анньыылаах, Тойон Уйалаах,
Эбэ халдьаайытын ыаллара холбоһоннор «Мындааба» диэн тыа хаһаайыстыбатын артыала тэрил-
либитэ. Онно Роман Ивановиһы артыал председателинэн талаллар. Роман ити артыалга 1932
сылга диэри председателинэн үлэлиир. Ити кэмҥэ киниэхэ артыал суоччутунан Константин Семе­
нович Бурцев үлэлээбит. Бригадирдарынан Егор Свинобоев /Хосхооло/, Михаил Находкин /Адам/
үлэлииллэр. Оччотооҕуга ЧТФ диэн суоҕа. «Мындааба» тыа хаһаайыстыбаннай артыала 20-21
хаһаайыстыбалааҕа. Ити кэмҥэ Иван Егорович Бурцев эмиэ бригадирынан үлэлии сылдьыбыт.
Роман Иванович Бурцев «Быйды» алааска олорон ыалдьан өлбүт.
Бу автобиографияны 1987 с. саас муус у стар ыйга Иван Иванович Бурцев I о^онньор
тылыттан Н.А. Орлов суруйда. Иван Иванович Бурцев I 1895 с. төрөөбутэ,
ити Р. И. Бурцев бииргэ төрөөбүт быраата.

Андросова Евдокия Романовна автобиографията

Евдокия Романовна Андросова 1906 сыллаахха Бороҕон улууһугар Хоро нэһилиэгэр Чараҥҥа
4 оҕолоох дьадаҥы ыалтан төрөөбүтэ. Аҕата баайдарга хамнаска үлэлии сылдьан өлбүтэ. Бииргэ
төрөөбүттэритгэн биир уол Аҕа дойду сэриитигэр баран өлбүтэ. Иккис уол Уус-Алданнааҕы
МТС-ка трактористыы сылдьан ыалдьан өлбүтэ. Икки Дьэбдьэлэр тулаайах хааланнар бэрт эрэй-
дээхтик улааппыттара. Ас-танас тиийбэтэ, ыарахан үлэ. Евдокия Романовна 1930 сыллаахха тэрил-
либит «Эйэлээх» диэн тыа хаһаайыстыбаннай артыалыгар чилиэнинэн киирбитэ. Кини онно хара
маҥнайгыттан ыанньыксытынан үлэлээбитэ. Ол сылдьан 1936 с. ыам ыйын 3 күнүгэр Гаврил
Илларионович Конников диэн киһиэхэ кэргэн тахсыбыта. Кинилэри оччотооҕу Хоро нэһилиэгин
ситэриилээх комитетын председателэ Николай Иванович Крылов загсалаабыта.
1936 с. тэриллибит «Нэлим» диэн т/х артыалыгар көһөн тахсан 1947 с. «Кыһыл маяк» колхозка
холбоһуор диэри ыанньыксытынан үтүө суобастаахтыкүлэлээбитэ. «Кыһыл маяк» колхозка киирэн
баран, «Чарашга» сибиинньэ ферматыгар сибиинньэ көрөөччүнэн үлэлээбитэ. Онтон кэлин хонуу
араас үлэлэригэр илиитин араарбакка үлэлээбитэ.
Евдокия Романовна 1961 сыллаахха колхуоһунай пенсияҕа тахсыбыта. Ыйга 28 солк. Дьэбдьэ
бэйэтиттэн 5 оҕону төрөппүтэ. Онтон биир уол оҕолоох, биир уол төрөөн өлбүтэ. Үс кыыс, 1 уол
оҕотуттан 13 сиэннээх. Маны таһынан Татьяна Конникованы, биир балтын, икки бырааттарын
иитэн сүһүөхтэригэр туруоран үөрэттэрбитэ.
Дьэбдьэ киһи быһыытынан дьоҥҥо-сэргэҕэ истиҥ үтүө сыһыаннаах ыалдьытымсах, үчүгэй
астаах-үөллээх улахан ыал убаастабыллаах хаһаайката. Евдокия Романовна 1982 с. Чараҥ
бөһүөлэгэр ыалдьан өлбүтэ.

Кэргэнэ Гаврил Илларионович Конников тылыттан
суруйдум Н.А.ОРЛОВ. 1982 с.

190