Page 118 - Агабыт туьунан иьирэх тылынан

Ахтыылар

Арыппыастаах
Мин эдьиийбин Аграфена Власьевна
Макееваны (кэргэнинэн Иванова) адьас
кыра эрдэхпиттэн билэбин. Көрүстэҕин
аайы наар хаадьылаан тахсара. Эдьиийбин
бары Арыппыас диэн ааттыырбыт.
Урут Тиит Арыыга оскуола суоҕа, онон
холкуос салалтатын дьаһалынан Танда-
ҕа үөрэнэ барар оҕолор таҥастарын уонна
өйүөлэрин илдьэргэ тэлиэгэлээх оҕус
биэрбиттэрэ. Биһиги уонча буолан сатыы
барбыппыт. Баттахха кыра бурдук баа-
һыната баара. Онно үлэһиттэр сиэмэ хо-
муйа сылдьаллара. Эдьиийим Араппыас онно үлэлии сылдьара.
Миигин көрөн: «Бу кыыс улаатан үөрэх киһитэ буолбут. Үчүгэйдик
үөрэнээр», - диэн атаарбыта. Ити ыраас баҕайы күннээх 1952 сыл
күһүнэ этэ.
Кэлин эдьиийбит Маппыыс (Сыроватская) Бороҕоҥҥо үөрэ-
нэрэ. Сайын каникулга кэллэҕинэ мин эбэм аахха хоно бара-
рым. Эдьиийдэрим киэһэ сытан баран оччотооҕу дьүөгэлэри,
табаарыстарын туһунан кэпсэтэллэрэ. Хоонньуларыгар сытан ону
истэрбин олус сөбүлүүрүм.
Тандаҕа 60-с сыллар диэки электричество уотун киллэрии
үлэтэ саҕаламмыта. Онно Дүпсүнтэн Иванов Николай Матвеевич
үлэлии кэлбитэ. Киниэхэ биһиги эдьиийбит кэргэн тахсан улахан
дьиэ кэргэн ийэтэ буолбута. Хамнас кыра, ас-таҥас кырыымчык
кэмигэр сыры-сыллата сэттэ оҕону төрөтөн, көрөн-истэн, аһатан
иитиэххэ диэтэххэ балачча кыһалҕалаах кэм аастаҕа. Эдьиийбит
дьаһала, үлэһитэ барытын бүтэрэн-оһорон иһэрэ. Эбэбит Матвее­
ва Марфа Гаврильева - Мааппа эмээхсин наар кыра кыыһын Арап-
пыаһы эҥэрдэһэн кинилэргэ олорбута. Оҕолор кыра эрдэхтэринэ
эбээ көмөтө диэн туохха да тэҥнэммэт буоллаҕа. Күтүөт Ньукулай
дьиэ тас үлэтин бэйэтэ дьаһайара.
Кэргэмминээн Атласов Михаил Михайловичтыын үөрэхпи-
тин бүтэрэн Тандаҕа үлэлии кэлэрбитигэр дьоммут Ивановтар
оҕолоро бары улаатан оскуолаҕа үөрэнэ сылдьаллара.

116