Page 123 - Агабыт туьунан иьирэх тылынан

Ахтыы

Николай Матвеевич Иванов
кэргэним Зинаида Константинов­
на ийэтэ Александра Матвеевна
Иванова бииргэ төрөөбүт убайа
этэ. Бииргэ төрөөбүттэр бэһиэ
эбиттэрэ үһү. Кинилэр Өнөр
нэһилиэгин Кэлэдимэ диэн биир
мааны алааһын арҕаа өттүгэр
Маттаҕа диэн сиргэ олорбуттар.
Бу - наһаа кэрэ көстүүлээх, ха-
тыҥ чараҥнаах, дьиэлэрин анныгар кыра көлүччэлээх, оттуур
үрдүк соҕус киэҥ кырдаллаах, онтон анараа өттүгэр хомус өл-
гөмнүк үүнэр улахан күөллээх сир.
Онтон чугас, сыыр нөҥүө Хоту Үҥкүр диэн сир баар, ол
арҕаа өттүгэр сайылыктаахтар эбит этэ. Ол онно өтөхтөрүн
баҕаналара билигин да тураллар.
Ийэлэрэ эрдэ өлөн, биэс оҕо аҕаларын Маппый көрүүтү-
гэр хаалбыттар. Аҕалара сэниэ киһи эбит: отучча сүөһүлээҕин
кэнники холкуоска холбообуттар. Бу бииргэ төрөөбүт биэс оҕо
чороччу улаатыахтарыгар диэри Маттаҕаҕа олорбуттар, онтон
сүөһүлэрэ суох буолбутун кэннэ аҕалара Дүпсүҥҥэ көспүт. Ол
иһин өйдөрүн-санааларын туппут оҕолор төрөөбүт-үөскээбит
Маттаҕаларын кырдьан да баран наһаа күндүтүк саныыллара.
Биһиги Бороҕоҥҥо олордохпутуна, эбэбит Өлөксөөндөрө
баарына Ньукулай куруук сылдьара, балтын кытта урукку-
ларын, биэс оҕо хайдах бииргэ улааппыттарын истиҥник
ахтыһаллара. Эбэбит Дүпсүнтэн Бороҕоҥҥо көһөн кэлбитин
кэннэ наар кэлэн хонон-өрөөн, истиҥник кэпсэтэн-ипсэтэн,
үөрэн-көтөн барааччы.
Биһиги Дүпсүҥҥэ, оччолорго Зинаида ийэлээх аҕата
олорор сирдэригэр Дабаадымаҕа үгүстүк сылдьарбыт. Он-
но Зинаида эдьиийигэр Ябловская Надежда Константинов-
налаахха сылдьан, Ньукулайдаах аччыгый бырааттарын
Иванов Иннокентий Матвеевиһы (Тойтуруон) көрсөн ааһар
этибит. Кини балтыгар Надеждалаахха олорбута.
Биир сайын, 2000 сыллаахха, үһүөннэрин таай Ньукула-
йы, эбэбитин Өлөксөөндөрөнү, таай Тойтуруону, анаан төрө-
өбүт Маттаҕаларыгар сырытыннарбыппыт. Онно билбитим
төрөөбүт дойду ахтылҕана диэн хайдах күүстээх буоларын...

121