Page 119 - Агабыт туьунан иьирэх тылынан

Биһиги оҕолорбут детсадка, оскуолаҕа сылдьан самодеятель-
носка актыыбынайдык кытталлара. Ол таҥастарын-саптарын
тигиитэ эдьиийбит Араппыас көмөтө суох буолбата. Эттэхпинэ
түргэн баҕайытык тигэ охсон биэрэрэ. Инньэ гынан абыраабыта
элбэх. Детсад үлэлээбэт кэмигэр эбэтэр ханна эмэ бардахпытына,
оҕолорбутун кинилэргэ хаалларарбыт. Оҕолорбут тот, көрүүлээх-
истиилээх сылдьалларыгар эрэллээх буолан кыһалҕата суох сыл-
дьарбыт.
Аҕабыт Атласов Михаил Михайлович Ивановтарга кыһынын
оттук мас бэлэмнээһинигэр, сайыныгар от охсуутугар көмөлөһөрө.
Итиннэ гынан ики өттүттэн көмөлөсүһэн үчүгэйдик олорбуппут.
Биирдэ күтүөт Ньукулай биһиэхэ кэлэ сылдьан миигин тар-
баҕынан төгүл таблицатын суоттуурга үөрэппитэ. Ону мин оҕо-
лорбор, сиэннэрбэр үөрэппитим. Ол төгүл таблицатын үөрэтэллэ-
ригэр улаханнык көмөлөспүтэ.
Биһиги хортуоппуй олордор сир оҥосто иликпитинэ, икки
дуу үс дуу сыл устата, Ивановтар бэйэлэрин олордор сирдэрит-
тэн биэрэн, хортуоппуй олордо сылдьыбыппыт. Онно сыыс от
ыраастааһына, уу кутуута диэҥҥэ кыһаллыбатахпыт. Ньукулай
оҕолорун кытта дьаһайара.
Үтүө дьон Араппыастаах Ньукулай күн сириттэн арахсыбыт-
тара ыраатта да, кинилэри олох умнубаппыт. Оҕолоро били-
гин бэйэлэрэ ийэ-аҕа, эбэ-эһэ буолан, оҕолорун, сиэннэрин
иитэртэн-үөрэттэрэртэн, олохторун оҥостоллоругар көмөлөһөр-
төн күн солото суох сылдьаллар. Ол туһугар үлэ-хамнас бөҕө буо-
лар буоллаҕа дии. Алаас сурахтаах, өтөх төҥүргэстээх диэбиккэ
дылы олох салҕанар.
Балтылара Матрена Иннокентьевна АТЛАСОВА,
үлэ бэтэрээнэ, тыа хаһаайыстыбатын туйгуна,
Байаҕантай нэһилиэгин бочуоттаах олохтооҕо,
«Уус Алдан улууһугар тыатын хаһаайыстыбатын сайыннарыыга
кылаатын иһин» бэлиэ хаһаайына,
Г.В. Егоров аатынан Бочуот бэлиэ хаһаайына

117