Page 122 - Агабыт туьунан иьирэх тылынан

дии саныырым ол саҕана. Кэнники дьоммутугар куораттан
Тандаҕа барар-кэлэр буоламмыт, суолга элбэхтик көрсөрбүт.
Байаҕантай нэһилиэгин баһылыга этэ, үлэтэ-хамнаһа үтүмэн
элбэх буоллаҕа дии.
Власий (Былааһык) үрдүкү кылааска үөрэнэр этэ, арааһа
оскуоланы бүтэрээри сылдьар быһыылааҕа. Улаханнык ал-
тыспатах да курдук эбиппин.
Биһигини кытта эдьиийбит Муся (Муутук) биир үксүн
бодьуустанар этэ. Аччаабыт таҥастарыттан үллэстэрэ, наһаа
муодунай буолааччылар. Үөрэр да этибит. Тиийдэхпитинэ
дьиэтигэр суох буоллаҕына, тэһийбэт этибит. Муутук оскуола-
ны бүтэрэн баран, «Сардаҥа» сайылыкка ньирэй көрөр этэ.
Дьоммуттан хас да күнү быһа супту көҥүллэтэммин, аҕыйах
хонукка тылланаммын, оҕолору батыһан, ньирэй көрсө тиий-
биттээхпин. Аһатар ньирэйэ 50 этэ. Бары аччыктара бөҕө,
олору кыайан дьүһүннэринэн араарбакка көр бөҕө. Анаппыт
ньирэйдэрбитин сүүстэрин бадараанынан бэлиэтиир буолбуп-
пут. Наһаа үчүгэйдик сылдьан кэлбиппит.
Мишаны (Миичиги) санаатахпына, олуһун диэн харааста-
бын. Эрдэ баҕайы күн сириттэн суох буолбута. Убайым наһаа
талааннаах киһи этэ. Үчүгэйдик уруһуйдуура да, уһанара да.
Туттубута барыта орун-оннугар, ып-ыраас буолааччы. Бастакы
кылааска үөрэнэ сырыттахпына, учебниккар диэн закладка
оҥорон бэлэхтээбитэ. «Дикие животные Якутии» диэн кини-
гэттэн кырынааһы, кырсаны, кииһи наһаа үчүгэйдик үтүгүн-
нэрэн уруһуйдаабыта, ааттарын барытын кыраһыабай гына
суруйбута, тэтэрээт целлофановай хаҕынан бүрүйэн, өтүүк-
тээн сыһыаран биэрбитэ. Ханна эмит көрсө түстэхпитинэ,
үөрэн-көтөн кэпсэтэрбит, дьоммутун барыларын сураһарбыт.
Хаан-уруу чугас аймахтарбынан киэн туттабын. Аграфена
Власьевна уонна Николай Матвеевич үтүө мөссүөннэрэ сыр-
дыкка-кэрэҕэ уһуйаллар, сирдииллэр. Оҕолоро, сиэннэрэ, хос
сиэннэрэ дьоннорун ааттарын ааттата туруохтара, олохторун
салҕаан иһиэхтэрэ.

Елена Михайловна БЕРЕЖНЕВА (Атласова)

120