Page 120 - Агабыт туьунан иьирэх тылынан

Киэн туттар аймахтарым

Дьоллоох, туох да кыһалҕата суох оҕо
сааспын санаатахпына, хаан-уруу аймах-
тарым Ивановтар (Уйбаныаптар диибит)
өйбөр-санаабар киирэн кэлэллэр.
Эдьиийбит Аграфена Власьевна
уонна күтүөппүт Николай Матвеевич
элбэх оҕолоох дьиэ кэргэн этилэр. Ол
аата биһиги элбэх убайдаах, эдьиий-
дээх дьоллоох дьон буолабыт. Оҕо саас-
пыт саамай көрүлүүр кэмнэрэ, кырдьык
даҕаны, кинилэр киэҥ-куоҥ тиэргэннэ-
ригэр ааспыт эбит. Бу санаатахпына, олох бэйэбит дьиэбитигэр
тиийэр курдук сылдьарбыт, дьиэҕэ үргүлдьү ааһарбыт. Куруу-
тун үөрэн-көтөн, дьоммутун сураһан, сонуммутун сэргээн көр-
сөллөрө. Бэйэбит даҕаны сэргэхситэр соҕус дьон быһыылаах
эбиппит. «Күөрчэх сиигит дуо?» - диэн буолара эдьиийбит
Арапыас. Ол саҕана дьоммут сүөһү туппат буоланнар, отонноох
күөрчэх күндү даҕаны, олус минньигэс да ас буолара.
Тыа сирин олохтооҕор үгүс үлэ-хамнас, сүөһү-ас түбүгэ ку-
руутун бииртэн-биир кэлэ турар. Ону ол диэбэккэ, быыс-арыт
булан, Николай Матвеевич ис сүрэҕиттэн сөбүлүүр дьарыктаа-
ҕа. Олох кып-кыра эрдэхпиттэн өйдүүбүн: наһаа элбэҕи ааҕара,
үөрэтэрэ, ол билбитин суруйар идэлээҕэ. Төһө даҕаны көҥүл
сүүрэкэлээбиппит иһин, ол хоско киирэр бобуулааҕа өйбөр-са-
наабар хатанан хаалбыт. Миигин Ньукулай дьээбэлээн «Лүөҥкэ»
диэн ыҥырара. Ону «Лүөҥкэ» диэтэ диэн үөрэн бөҕө буоларым.
Биһиэхэ дьоммутугар үгүстүк кэлэн барара. Аҕабынаан
уһуннук-киэҥник кэпсэтэллэрэ, сэлэһэллэрэ. Сиэнин Русланы
наһаа сөбүлээн бүөбэйдэһэр быһыылааҕа, уолун батыһыннаран
дьиэбит аттынан кэлэллэрин-баралларын элбэхтик көрөрүм.
Эдьиийим Арапыас эһэм Лэгэнтэй саамай кыра балта
буолар. Куруутун дьиэ-уот, сүөһү-ас, от-мас түбүгэр сылдьарын
өйдүүбүн. Түргэн-тарҕан туттуулааҕа, бүтэрэн-оһорон иһэрэ,
элбэх кэпсээннээх-ипсээннээх, үтүө майгылаах кини этэ. Мии-
гин: «Наһаа хотумсук кыыс», - диэн күлэрэ. 1991 сыллаахха
эдьиийбинээн Галялыын бэйэбит олорор ыарахан кэммитигэр
Арапыас кэлэн өйөбүл, сүбэ-ама буолбутугар испитигэр наһаа
даҕаны үөрбүппүт, кэҥээбиппит. Ол саҕана эдьиийбит бэйэтэ
даҕаны ыарытыйар кэмнэрэ эбит этэ.

118