Page 121 - Агабыт туьунан иьирэх тылынан

Оҕолоро бары талааннаах, үөрэхтээх, олохторугар, нуучча-
лыы эттэххэ, «реализованнай», оннуларын булбут дьон. Бүөккэ,
Ааныс, Лээпэ, Киэсээйик улахан оҕолор буоланнар, мин кыра
сылдьан кинилэри кытта улаханнык алтыспатах эбиппин.
Убайым Бүөккэ көмөтүн хаһан да умнубаппын, наһаа
сыаналыыбын. Үрдүк үөрэх кыһатын бүтэрэр сылбар, прак­
тикам кэнниттэн Хабаровскай куоракка диплом ыла барар-
бар, суол-иис алдьанан, сабыллан турар кэмэ этэ. Самолет
тоҕо эрэ хас да күн көппөтөҕө, хаайтарыы буолбута. Арай
кэмниэ-кэнэҕэс Бэйдиҥэттэн вертолет кэлбитэ. Онно убайым
Бүөккэ кэпсэтэн, куоракка вертолетунан ыыппыта. Ити курдук
Хабаровскайдыыр рейспэр кыл-мүччү тиийэн турардаахпын.
Ааныһы кыра сылдьан аҕыйахтык көрбүттээхпин. «Кэлбит
үһү» диэн сурах хоту истэрбит. Кулуупка эҥин сылдьан кө-
рүстэхпитинэ, наһаа үөрэр этибит. Эдьиийим, санаабар, наһаа
да кыраһыабайа, будьурҕай баттахтаах, ураты таҥастаах-сап-
таах буолара.
Коля (Лээпэ) саамай көрдөөхтөрө, көрүдьүөстээхтэрэ этэ.
Биир түгэни өйдүүбүн. Арапыас Лээпэни соруйар: «Эмээхсин
Бүөрүгэр күрүөҕэ сөп буолуох курдук сиэрдийэ мастары бэ-
лэмниэҥ этэ», - диэн. Ону кырдьык-хордьук: «Ээ, сөп. Билигин
телефоннуом», - диэбитэ уонна телефон номердардаах книж-
каны ылан ханна эрэ мээнэ эрийбитигэр, трубкаҕа оҕо саҥата
эппиэттээтэ. «Алло, паапаҥ баар дуо?» - диир Лээпэ. Паапа-
та суох буолан биэрдэ. Онуоха илдьит хаалларда: «Паапаҕар
этээр, сарсын 9 ч. тиийиэм, Эмээхсин Бүөрүгэр сиэрдийэ маһа
бэлэмнии барыахпыт, паапаҥ бэлэм буоллун», - диэн. Мин дэл-
би күллүм, Арапыас эмиэ мүчүк-мүчүк гына олорор этэ. Лээпэ-
бит «серьезнай» бөҕө.
Лээпэ таһырдьаттан киирэр сиргэ маска ойуу кыһан сиэр-
килэ рамалаан ыйаабыт этэ. Ону лааҕынан бүрүйбүт, көстүүтэ
наһаа да үчүгэй этэ. Эдьиийбит Арапыас: «Лээпэ оҥорбута», -
диэн киэн туттан кэпсиирэ. Талааннаах да киһи эбит этэ Лээпэ.
Баяҥҥа оонньуу олорорун эмиэ өйдүүбүн. Тандаҕа музыкаль-
най оскуола да, кылаас да суоҕа, бэйэтин баҕатынан үөрэннэҕэ.
Кини орто дойдуттан эрдэ барбыта наһаа хомолтолоох.
Иннокентий (Киэсээйик) - учууталым. Үрдүкү кылаастарга
история уонна обществоведение уруогун биэрэр этэ. Бэрээдэги
тутар, кытаанах соҕус учуутал диэн сыаналыыбын. Хос уруокка
хаалларан, таблица бөҕөтүн оҥотторон, элбэх билиини биэрэр
учуутал буолара. Миигин инники кэккэҕэ ыйытар этэ, ол иһин
олох эрдэ хос уруоктан босхолонорум. «Син аймаҕыргыыр дуу»
119