Page 13 - Агабыт туьунан иьирэх тылынан

да, дьукаах да курдук олорбута. Ол тухары кыҥыр-хаҥыр
саҥарсыбыттарын төрүт билбэппин. Аҕам Маппый, абаҕа-
ларым Маархап уонна Уйбааскы Охонооһойу, Миичикэни,
Бүөтүрү кытта бодоруһар этилэрэ да, бэйэ-бэйэлэрин холун-
нарсалларын истибэт, билбэт этим. Оннук эйэлээхтэрэ. Өссө
этиэм этэ: «итинник эйэлээх аймах ханна эмит биир эмэ баара
буолуо дуо?» диэн. Кинилэр туора да дьону кытта өйдөспөтөх-
төрө, иирсибиттэрэ диэн төрүт суоҕа. Ити курдук аймахтыы
эр дьон эрэ эйэлээх буолбатахтара, ойохторо, дьахталлар эмиэ
эйэлээхтэрэ. Миичикэ кэргэнэ Кэтириис чугас ыаллыы оло-
рон мин ийэбэр Аанаҕа куруук кэриэтэ кэлэрэ уонна этэрэ:
«Дьэ, Аана, ыаҕайа тутуһа, үүт илдьиһэ кэллим. Биһиэхэ, чэ,
бараҥҥын үүккүн араартар», - диирэ. Онто да суох мин ийэм
сайын аайы күннэтэ кэриэтэ кинилэргэ сэппэрээтэргэ үүтүн
араартарара уонна этэрэ: «Миичиккэлээх сэппэрээтэрдээх
буоланнар, хата мин сайын аайы арыы хаһаанабын», - диэн.
Охонооһойдоох ийэлэрэ Матырыас, Маппыйдаах ийэлэрэ
Дэбдэ уонна Уйбааскы ийэ кылына Маайа үһүөн лаҕыччы оло-
рон эрэ былыргыларын, олохторун-дьаһахтарын бэрт истиҥ-
ник, чугастык (сылаастык) кэпсэтэллэрэ. Тыллара-өстөрө бу
чуолкайын, кэрэтин - истэргэ бэрт да этэ, кэрэхсээн истэрим.

Мин эбэм Дэбдэ Уһунуускай Уйбаан (Быыпсай Уйбаан,
кинээс буола сылдьыбыт киһи) төрөппүт кыыһа этэ. Бу
Быыпсай Уйбаан оҕото элбэх. Онтон сорохторо: Сэки Борукуо-
пай, Күүстээх Куонаан ийэтэ (бадаҕа), аатын билбэтим, Буобура
Баһылай, Босхоҥ Миитэрэй, Дэбдэ (биһиги эбэбит), Матырыа-
на уонна да атыттар. Бу кинээс Быыпсай Уйбаан оҕолоруттан
Буобура Баһылай уонна эбэм Дэбдэ туһунан ситэрэн суруйуум.
Ол маннык: Буобура Баһылай (Уһунуускай уола Маархап) кыр-
гыттара: Дэбдэ, Балбаара уонна эмиэ Дэбдэ диэн иккис кыыс.
Бу кыыс Николай Захарович Копырин учуонай ийэтэ буолар.
Аны Буобура Баһылай уола Маархап оҕолорун туһунан
суруйабын: Миитэрэй, Ньукулай, Баһылай, Улахан Көстөкүүн,
Аччыгый Көстөкүүн, Даайа, Маайа, Балаайа, Өлөөнө, Настаа.
Аны бу уон оҕоттон биир кыыс Даайа оҕолорун туһунан
суруйуум. Даайа кэргэнэ Куличкин Лэгэнтэй - Чыычаах Лэ-
гэнтэй диэн этэ. Даайа оҕолоро: Надя, Уйбаан, Нюта, Ньукулай,
Мария, Балбаара, Кеша.

11