Page 14 - Агабыт туьунан иьирэх тылынан

Аны бэйэм төрөөбүт эбэм Дэбдэ - Евдокия Ивановна
Ушницкая туһунан. Эбэм Иванов Иван Иванович диэн киһиэхэ
Өнөргө эргэ тахсыбыт. Кини сэттэ оҕону төрөппүт: үс уол, түөрт
кыыс. Уолаттар ааттара: Иван, Марк, Матвей. Кыргыттар: Ма­
рия I, Мария II, Парасковья уонна Ефросиния. Ефросиния оҕо-
то суох, биир уоллааҕын 16 сааһыгар бандьыыттар өлөрбүттэр.
Онтон атыттар бары оҕолордоохтор.
Эбэм 1850 сыллаахха төрөөбүт, 1952 сыллаахха ахсын-
ньыга 102 сааһыгар өлбүт. Кини былыргы үһүйээннэри, кэп-
сээннэри элбэҕи кэпсиирин мин кыра оҕо эрдэхпиттэн истэ-
рим. Кини сорох кэпсээннэрин мин оҕолорго кэпсээри сурунан
ылар идэлэммитим. Ол курдук мунньан испитим. Оҕолорун
туһунан: Уйбааскы, Маархап, Маппый, Улахан Маайа, Аччыгый
Маайа, Барыскыай, Өппүүнньүйэ.
Аны бу дьон оҕолорун туһунан. Уйбааскы оҕолоро: Уйбаан
(сэриигэ өлбүтэ), Мааппа (өлбүтэ), Баһылай, Хабырыыс, Ньу-
кулай Уйбаныаптар; Маархап оҕолоро: Ньукулай, Борис, Роза
(Абыйга) олорор; Маппый оҕолоро: Ньукулай, Өлөксөөндүрэ,
Көстөкүүн, Бүөтүр, Лэгэнтэй; Маайа (Сыроватскай Өлөксөй ойо-
ҕо, Иирбэ Өлөксөй дэнэрэ) оҕолоро: уола Миитэрэй (сэриигэ
өлбүтэ), Варвара (оҕо суох), Марфа оҕолордоох, Троевтар диэн.
Аҕалара Дмитрий Троев диэн; Аччыгый Маайа (Стрекаловскай
Егор ойоҕо, хос аата Наатаҕалык Дьөгүөр диэн этэ) оҕолоро: ула-
хан кыыһа Матырыас диэн этэ (хаайыыга өлбүтэ), атын икки
кыыһа Улахан Маайа, Аччыгый Маайа диэннэр этэ; Барыскыай
(Гуляев Прокопий ойоҕо, хос аатынан Холбооһуннаах Боро-
пуокай) оҕолоро: Улахан уонна Аччыгый Өлөөнөлөр, өлбүттэрэ,
уоллара Михаил Гуляев Кэптэнигэ олорбута, хас да оҕолоох;
Өппүнньүйэ биир соҕотох уолун Бүөтүрү (Петр Филиппович Фе­
доровы) аҕатынаан Силипчээнниин балаҕаннарыгар (Улахан
алааска) түүн утуйа сыттахтарына түөкүттэр сүгэнэн кэрдэн
өлөрбүттэр (ити 1926 сыл атырдьах ыйын эргэтэ этэ).
Аны ийэм туһунан суруйабын. Ийэм эһэтэ Бээрийэ киһитэ
Васильев Илларион диэн. Бу киһи Өнөргө олохтоох Черноград-
скай Испирдиэн бииргэ төрөөбүт аҕаһын Мааһаны кэргэн ыл-
быт. Киниттэн төрөөбүттэр: Игнатий Илларионович Васильев
(Федор Игнатьевич аҕата); Степан Илларионович Васильев
(мин ийэм Аана аҕата); Иван Васильев уонна Хабырыыс диэн
уолаттар иккиэн оҕолоро суох, өлбүттэрэ. Итиэннэ Мааһа, Ев­
гения диэн кыргыттар. Евгенияттан биир уол баара, Сүөдэр
диэн. Сэриигэ өлбүтэ. Иккиэннэриттэн оҕолор бааллар.

12