Page 15 - Агабыт туьунан иьирэх тылынан

Аҕам Испирдиэн Көстөкүүнүн кытта Өнөргө Баһыйах
диэн сиргэ дьукаах олорор буолара. Кини Көстөкүүннүүн
наһаа тапсар этэ. Киэһээ аайы кэпсээн элбиирэ, уруурҕаһар
этилэрэ. Көстөкүүн булчут уонна муҥхаһыт идэлээҕэ. Муҥха-
лаан балык бөҕөнү сиэтэрэ. Кини кэргэнэ, мин өйдүүрбүнэн,
уҥуоҕунан кыра соҕус дьахтар быһыылааҕа. Оҕолордоох эти-
лэрэ. Көстөкүүн мэнэрик этэ. Мин көрөр этим, онтон куттанар
буоларым. Быраата дуу, убайа дуу, Лэгэнтэй диэн эмиэ баара.
Испирдиэн Лэгэнтэйэ дииллэрэ. Кини куруук мин аҕабар сыл-
дьара, бэрт истиҥ сыһыаннаах киһи этэ.
Баһыйахха Көстөкүүнү кытта олорбутугар хотоммут
дьиэни кытта биир этэ. Иһинэн хотоҥҥо киирэр ааннааҕа.
Онон биһиги оҕолор хотоҥҥо киирэн, сааскынан хотон иһэ
сырдаан, күнү быһа оонньуур этибит. Ити мин өйдөбүлбэр
наһаа үчүгэйдик хаалбыт.
Мин ийэм Аана биир убайа уонна үс төрөөбүт быраата
сэриигэ өлбүттэрэ. Түөрт киһи.

Түрү алаас диэн аата бэрт былыр, хайа үйэҕэ эбитэ буол-
ла, Түрү диэн киһи ити алааһы баһылаан олорбутунан ааттам-
мыт курдук кэпсииллэрэ. Эмис, үчүгэй, илимҥэ тутугас хойуу
балыктаах сир этэ. Мин аҕам Маппый уонна убайа Уйбааскы
наар ити күөлгэ балыктыыллара. Итини сэргэ мин аҕам Кэлэ-
димэ алаас соҕуруу өттүгэр баар Токонокоон үҥкүрэ диэн сир-
гэ илимниирэ. Бу бөдөҥ, үчүгэй балыктаах сир этэ. Токонокоон
диэн ааттанара, ити үҥкүр хоту өттүгэр көмүк үрдүгэр ойоҕо,
оҕото суох сааһын тухары чороҥ соҕотох оҕонньор балаҕан
сыыһа туттан олорбута үһү. Сэргэтэ сэрии саҕана турар этэ.
Кини ити үҥкүр арҕаа өттүгэр баар Куһаҕан күөл диэн тыым-
пыттан балык аҕалан кутан үҥкүргэ үөскэппит. Токонокоон
диэн бэрт былыр сүөһүтэ, сылгыта суох, ойоҕо, оҕото суох, чо-
роҥ соҕотох киһини ааттыыллар эбит.
Эппитим, суруйбутум курдук, үс ыал куруук бииргэ
кыстыыллара, бииргэ сайылыыллара. Көскөө Ивановтар эмиэ
итинник дьон этилэрэ. Мин аҕам Маппый, бииргэ төрөөбүт
убайдара Маархаптыын, Уйбааскылыын, эдьиийэ Бараскыай-
дыын арыт кыһын дьукаахтаһан, ыаллаһан олороллоро.
Сайын отторун бииргэ оттуур кэмнэрэ эмиэ баара. Хайалара
эмэ ыарыйдаҕына ол киһиэхэ отун-маһын кыһын тиэйэн биэ-
рэллэрэ.

13