Page 16 - Агабыт туьунан иьирэх тылынан

Мин аҕам Миичикэни кытта былыр үс сыл устата хоту
Верхоянскайга сибиниэс хостооһунугар бииргэ үлэлээбиттэрэ.
Тойонноро Семенов диэн эбитэ үһү. Кини ыҥырыытынан үс
бырааттыы Маппый, Миичикэ уонна Хабырыыс (Көскөө сиэнэ)
барбыттар. Ол киһи хоту олох хаалбыт. Оҕолоро билигин хоту
бааллар. Биир кыыс Дүпсүҥҥэ олорор. Оттон ол Семенов диэн
тойонноро кэнники Саха АССР тыатын хаһаайыстыбатын ми-
ниистиринэн өр кэмҥэ үлэлээбитэ үһү.

Көскөөлөр ыччаттара уонна Кэннинэн Сэргэлээхтэр ыч-
чаттара (оҕолоро, сиэттэрэ) хардары-таары сыһыаннара олус
үчүгэй этэ. Хаһан даҕаны кинилэр иирсиилэрэ, өйдөспөттөрө
диэн суоҕа. Кэнники холкуоска үчүгэй үлэһит буолбуттара,
ким да сирдэрбитин билбэппин.
Кэннинэн Сэргэлээх уонна Көскөө ыччаттара - бу икки чу-
гас уруулуу уолаттар ыччаттара, айылҕаттан утумнаабыт үтүө
өйдөөх-санаалаах, үтүө (геннардаах) дьон эбиттэр. Мин оннук
өйдүүбүн. Ол кырдьыга бу суруллубут олохторуттан да көстөр.
Сэриигэ кинилэр аймаммыттара, хас да киһилэрин сүтэр-
биттэрэ. Тулаайах хаалыы элбэҕэ. Ол эрээри быһа сыралаһан
үөрэҕи, идэни ылбыттар эмиэ бааллар.

Абаҕам Маархап туһунан

Мин аҕам бииргэ төрөөбүт убайа Марк Иванович Иванов
саҥа Сэбиэт былааһа тэриллиитигэр активнай кыттыны ыл-
быта үһү. Ол сөп. Ленин баһылыктаах, дьоҥҥо саҥа идеялаах
саҥа былааска дьон итэҕэлэ олус күүстээҕэ: сахалыы, сонуннук
олоруу, ким барыта тэҥ буолуута, үөрэх, культура тэнийиитэ -
ити барытын пропагандата кими барытын итэҕэтэрэ.
Марк Иванович ол иһин Өнөргө биир бастакы сэбиэтинэн
буолбута. Оройуон киинэ ханна буолуохтааҕын туһунан боп-
пуруоска кини соҕотоҕун Суоттуну ыйбыта. Онон кинини
билигин дириҥ өйдөөх киһинэн ааҕаллар.

14