Page 130 - Агабыт туьунан иьирэх тылынан

дьонум айаҕар ат оҕуһу кыһынын көрөллөрө, онон дьиэбит таһы-
гар мууспутун-маспытын быһаарынарбыт. Аҕабынаан Эмээхсин
Бүөрэ диэн сиртэн уокка оттор мас тиэйэрбитин өйдүүбүн уонна
убайбынаан А. Ванялыын хочуолга мас эрбиирбит. Сааһын дьонтон
уларсан велосипедынан Ванялыын чучунаахтыырбыт. Ваня улаа-
тан, улахан дьону кытта куобах булдугар сылдьыһара - ол улахан
көмө буолара. Мин онно ымсыырарым уонна убайбынаан хаһан
эрэ куобахтыы барыахпын баҕарарым. Ол санаабын улаатан баран
ситиспитим. Бөһүөлэк дьоно күһүнҥү бултка сылдьан баран, уу-
луссанан тыраахтарынан ааһан иһэн куобах быраҕан бэрсэллэрэ.
Аҕабыт куобах булдугар сылдьыспат этэ. Биирдэ бараары ыалбыт
Самуил уола Коля саата эстибэтэҕэр бүлгү туппутугар эстэн, боту-
руона түөскэ тэппит этэ, онтон ыла аҕабыт куобахха сылдьыспа-
таҕа. Сааны-сэби букатын сөбүлээбэт этэ. Ол курдук биирдэ кыра
оҕолор оонньуу сылдьан «война» диэн хаһыытыы-хаһыытыы
сырсарбытын кэлэн үнтү мөҕүтэлээн ыһан кэбиспитэ. Ийэбит
эдьиийэ аах Сыроватская Марфа Власьевна Верхоянскайтан таба
тыһа, куобах этэ посылкалаан ыытан көмөлөһөллөрө.
Ийэбит убайын Коляны эһэбит Макеев Влас бэйэтин
араспаанньатынан суруйтарбыта, ииппитэ. Биһиги сэргэстэһэ
дьиэ туттан олорбуппут. Оҕолор бары бииргэ оонньуурбут. Макеев
Николай кэнники прораб буолан, Танда кулуубун, оскуола интер-
натын туттарбыта.
Биирдэ үөрэнэ олордохпутуна вертолет көтөн кэлбитэ. Онно
учууталым ыҥыран ылан: «Чэ, эн дьиэлээ», - диэбитигэр, соһуйа-
соһуйа дьиэбэр тиийбитим. Эбэм аймаммыт аҕай этэ, оһоҕун от­
тон уот аһата олороро. Ийэбитин Иванов Михаил Петрович диэн
аймах быраас Тандаҕа аан бастакы уонна соҕотох буолуо кесаре-
вынан эпэрээссийэлээбит. Онтон вертолетунан Н.Н. Окоемов диэн
быраас кэлэн көрөн, хайҕаан баран, оройуон киинигэр илдьэ бар-
быт этэ. Эбэбитигэр дьиэҕэ-уокка, хаһаайыстыбаҕа көмөлөһө диэн
билэр эбээн эмээхсиммит Матырыас кэлбитэ. Сэттэ ыйдаах уол
оҕобутун Михаил Петровиһы чиэстээн Миша - Миичик диэн аат-
табыттара. Быыкаайык киһини аҕабыт сыттык үрдүгэр сытыаран
бүөбэйдээн, биир температураны, режими тутуһан киһи гыммы-
та.
Аҕабыт биһигиттэн үчүгэйдик үөрэнэрбитин ирдиирэ. Ахсаа-
ны хайдах суоттууру үөрэппитин билигин да өйдүүбүн. Биирдэ
ампаар үрдүн маһын эрбии олордохпутуна, геометрия учуутала
Дегтярева Лидия Николаевна кэлэн «бу уол геометриятыгар мөл-
төх» диэбитигэр, аҕам: «Кинигэтэ суох, кинигэлээҕэ буоллар үөрэ-
тиэ этэ», - диэбитэ. Ол кэнниттэн аҕабын түһэн биэримээри гео-
128