Page 132 - Агабыт туьунан иьирэх тылынан

кэмэ этэ. Арааһа ол иһин Тандаҕа бастакынан кэлэн олохсуйбут
мин аҕабар аймахтар кэлэ-бара хонон ааһаллара. Тандаҕа дьиэ
туттан көһөөччү да элбэх этэ. Кинилэр кэлэн ыалдьыт, хоноһо
буолан ааһаллара биһиэхэ тоҕо эрэ саамай күүтүүлээх күндү
кэмнэр буолаллара. Арааһа оччотооҕу дьон оҕону олоххо үөрэтэр
ньымалара эбитэ дуу, ким кэлэрин эрдэттэн билэн, биһигини бэ-
лэмнииллэрэ быһыылааҕа. Ол кэлэр дьон кимин тугун, олоххо
туох дьоҕурдааҕын истибит эрэ кэрэхсиэх, ымсыырыах курдук
уустаан-ураннаан кэпсииллэрэ. Балтыларбынаан кинилэр тус-
тарынан истэн, иһирэхтик астына кэпсэтэр, ахтар буоларбыт.
Эбэбит, ийэбит биһиэхэ анаан дьиҥнээх остуоруйа геройдарын
курдук кинилэр үтүө майгыларын, олоххо дьулуурдарын, үлэҕэ
кыайыгастарын, билиилэрин, үлэҕэ дьоҕурдарын, үтүөкэн май-
гыларын, саамай кылаабынайа, ханнык эрэ олус наадалаах, би-
лиҥҥи тылынан эттэххэ, «престижнай» үөрэххэ ханна эрэ киин
куораттарга үөрэнэллэрин туһунан анаан-минээн кэпсииллэрэ.
Кинилэр курдук үрдүк үөрэхтээх, сайдыылаах үлэһит дьон буо-
лар туһунан эбэлээх, ийэбит биһиэхэ анаан-минээн тоҕо эрэ
оҥостон туран элбэхтик билиһиннэрэллэрэ. Төрөппүттэрбит
кинилэри хайгыылларын курдук дьоҥҥо туһалаах үтүөкэн дьон
буолуохпутун баҕарарбыт. Кинилэр биһиэхэ үтүөкэн майгылара,
истиҥ сыһыаннара олоҕуҥ устата ханна да сырыттаххына, өрүү
араҥаччылыы, көрө-истэ сылдьар курдук буолаллар эбит.
Дьиктитэ диэн, өссө кинилэр ыал буолан олус кыһамньылаах
үтүөкэн саҥастары батыһыннаран аҕалаллара буолара. Дьэ, ол
саамай улахан үөрүүлээх үтүөкэн түгэннэр этэ. Эйигин өрүү үөрэ-
көтө көрсөр саҥастар үтүөкэн майгылара, куруук бэлэм дэлэй
астара, чэйдэрэ, кэрэкээн сыһыаннара бэйэтэ туһунан олоххо
үтүөкэн өйдөбүл, өйөбүл буолар эбиттэр. Аны, биллэн турар, биир
оннук үтүөкэн күндү күтүөттэр кэлиилэрэ улахан сонун буолара.
Онон, дьиҥэр, мин улахан халыҥ аймахха бэрт маанытык ачаа-
лаан олоҕум ааһан эрэр адьас улахан дьоллоох киһи эбиппин.
«Анаан-минээн кинилэр тустарынан ити улахан суруйааччылар
бэйэлэрин курдук истиҥ-иһирэх тыллардаах, үтүөнү-кэрэни эрэ
ыралаабыт ахтыы кинигэтин суруйбут киһи баар ини» диэн арыт
санаталаан ааһабын. Ол эрээри үрдүкү айбыттарбыт бэрсибит
дьоҕурдара, талааннара татыма бэрт буоллаҕа эбээт.
Арааһа мин уончалаахпар, дэриэбинэҕэ электроуот тардар,
радио, телефон остуолбаларын туруорар, көрөр-истэр күтүөт
кэлбитэ, «Уйбаныап дуо?» диэн дьон тылыгар кэрэтик ааттанан
иһиллэр үтүөкэн сонун киһи биһиги аймахха эбиллибитэ. Ол дэ-
риэбинэҕэ улахан сонун буолбута. Очолорго Ильич лаампата,
130