Page 134 - Агабыт туьунан иьирэх тылынан

эмэ оҥордоххуна, адьас улаханнык хайҕанар буоларбыт. Итин-
ник үтүөкэн айылгылаах дьонтон киһи өйө-санаата сайдар, то-
буллар эбит, аны тугу эмэ оҥороору, айаары гыннахха, «кинилэр
туох диэхтэрэй? Хайдах оҥороллор этэй?» диэн өйдөбүл киһиэхэ
бастакынан көтөн түһэр. Арааһа итинник сыһыанынан урукку
дьон оҕолору олоххо тардыһыыга уһуйан эрдэхтэрэ, үөрэттэх-
тэрэ. Аҕа саастаах убайдарбыт, күтүөттэрбит уонна саамай-саамай
кэрэкээн ыралаах, үтүөкэн санаалаах кыһамньылаах саҥастарбыт
бааллар эбит биһигини бэрт кыра сааспытыттан бүөбэйдэспит
олоххо үктэнэргэ өйөбүл-тирэх, олохпут устата сүбэ-ама буолбут
дьон. Буолаллар даҕаны.
Биһиги күтүөппүт монтер Уйбаныап бэйэтин курдук олоххо
улахан дьоҕурдаах оҕолору төрөтөн, иитэн улаатыннартаабыта.
Бары кимиэхэ баҕарар биһирэнэр үчүгэй идэлэри баһылаабытта-
рынан халыҥ аймах киэн туттар. Ол биэс уол, икки кыыс ортоло-
ругар бүтүн нэһилиэкпитин 15 сыл дьаһайан баһылыктаан олор-
бут Иннокентий Николаевич диэн бэрт мааны, күндүтүк саныыр,
өрүү алтыһар дьоһун бырааттаахпыт.
Арамаан ДЬӨГҮӨРЭП, УоТ СОМОҔО КҮҮС пресс-киинэ,
УоТ СОМОҔО КҮҮС Ытык Сүбэтин чилиэнэ,
РФ ГД депутата П.Р. АММОСОВ көмөлөһөөччүтэ.
17.05.2024 с., Дьокуускай

Күтүөтүм Ньукулай туһунан
Ньукулайы (Николай Матвеевич Ива­
нову) мин аҕам Николай Власьевич Макеев
кэпсэтэн Тандаҕа электригинэн аҕалбыт
эбит. Ол маннык буолбут.
Аҕам Мэхээлэ Тролуков диэн табаа-
рыстаах этэ. Онно биирдэ Бороҕоҥҥо наа-
датыгар киирэ сылдьан Мэхээлэлээххэ
түспүт. Кэпсэтии быыһыгар аҕам: «Хол-
куоспутугар электростанция аҕалбыттара
да, үлэлэтэр киһи суох буолан, таах турар»,
- диэбит. Онуоха Мэхээлэ: «Манна миэхэ
монтер уол олорор, тыаҕа тахсан үлэлиэн
баҕарар, киэһэ үлэтиттэн кэллэҕинэ кэпсэтээр», - диэбит. Киэһэ
уол үлэтиттэн кэлбитигэр кэпсэтэн, Ньукулай Тандаҕа тахсан үлэ-
лиэх буолан, аҕам дойдутугар үөрэн-көтөн төннүбүт. Итини аҕам
кэпсээниттэн билэбин.
132