Page 125 - Агабыт туьунан иьирэх тылынан

лээбиттэрин барытын өйүгэр тута сылдьара. Ол иһин мин ки-
нини бу туһунан үчүгэй ахтыыта суруй, кэнники барыта умнуу-
га хаалыа, улуус дьоно билиэхтэрин наада диэн сүбэлээбитим.
Кини бу ахтыыларын чөмчөтөн, бэчээттэтэн 2010 сылга түмүк-
тээбитэ. Онон кини Уус Алдан сайдыытыгар электричествоны
киллэрсэн улахан кылааты киллэрбит киһинэн сыаналыыбын.
Николай Матвеевич оччтотооҕу киһиэхэ мындыр өйдөөх,
санаабытын олоххо киллэрэр киһи этэ. Аны майгыта элэккэйэ,
кэпсэтинньэҥэ, тугу этиэҥ баарай, аныгылыы эттэххэ, «креа-
тивнай» өйдөөх, коммуникабельнай киһи этэ.
Кини курдук дьон баар буолан, бу билиҥҥи сайдыыга
тиийдэхпит.
Балта Зинаида Константиновна КУЛИЧКИНА,
Михаил Афанасьевич КУЛИЧКИН,
Россия энергетикатын бочуоттаах үлэһитэ.
28.01.2025 сыл

«Өйдөөбөт буоллаххытына,
сурунан ылыҥ!»
Ити аҕам бииргэ төрөөбүт балтын
Араппыас кэргэнэ Уйбаныап Ньукулай
биһиэхэ туһаайан элбэхтик эппит тыл-
лара. Бэйэтэ электрик, монтер идэлээх
киһи ааҕарын дьэ сөбүлүүр этэ. Аан дой­
ду политикатын өрүү кэтээн көрөр, онтун
дьиэтээҕи дьоҥҥо куруутун кэпсиир, ыры-
тар идэлээҕэ. Биһиги Тандаҕа кинилэри
кытары тэллэх баттаһа олорбуппут. Онтон
Тиит Арыыга көһөн да баран, куруутун ки-
нилэргэ сылдьар, хонор-өрүүр этибит. Тан-
да оскуолатыгар тохсус кылааска үөрэнэрбэр Уйбаныаптарга кыс-
таабытым. Ньукулай хаһыаты, араас ис хоһоонноох кинигэни эрэ
буолбакка, Маркс, Энгельс, Ленин үлэлэрин эмиэ ааҕара. Дьэ уонна
«Карл Маркс инньэ диэбитэ, Фридрих Энгельс оннук суруйбута»
эбэтэр «Владимир Ильич маннык диэбит эбит» диэн баран, бэрт
элбэҕи этэрэ-тыынара, биһиги ону истэрин истээччибит даҕаны
барытын кулгаахпыт таһынан аһарааччыбыт. Кини онно тиһэҕэр:
«Эһиги итини өйдөөбөт буоллаххытына, сурунан ылыҥ!» - диэч-
чи. Хата, ол сурунан ылыҥ диэнинэн бүтэрэ, кэниспиэктиирбитин
модьуйбата.

123