Page 133 - Агабыт туьунан иьирэх тылынан

радио, телефон саҥа киирэн, билиҥҥи суотабай телефон араас
программаларынан былааһы ылбытын курдук, нэһилиэнньэҕэ
биһирэнэн, олохпут сайдыыта олоччу онтон эрэ ситимнээх буолан
эрэр кэмэ этэ. Онон Николай Матвеевич Иванов биһиэхэ кэлиитэ
Тандаҕа сайдыыны, саҥаны, Ильич лаампатын илэ бэйэтинэн
соһон кэлбит күндү күтүөт буолан, дьоҥҥо үйэлээх үтүө өйдөбүлү
хаалларбыта. Биллэн турар, киһи барыта астынар сөбүлүүр киһи-
тин батыһа сылдьан үлэлиир улахан киэн туттуулаах, саамай биир
дьоһун дьоллоох кэминэн биһиэхэ, улаатан эрэр оҕолорго, буола-
ра. Күтүөтү кытта сылдьан тугу саҥаны көрбүккүн, истибиккин
саамай күндү дьоһун сонун оҥостон, бэйэҥ тэҥнээх оҕолоргор,
бииргэ төрөөбүттэргэр балачча дьоһуннаахтык көстөрүҥ.
Николай Матвеевич биир сайын миигин батыһыннара сыл-
дьан Уолбут диэн сиргэ Көкөт чараҥар телеграф остуолбалары-
гар мас кэрдибиппит. Мин оччолорго уоммун саҥа ааһан эрэр
өссө төрүт сиикэй бөтөспүн. Ол эрээри туох да наһаа тапсан биир-
гэ сылдьан күтүөппүнээн бииргэ үлэлээбиппит. Күтүөтүм маһы
дьэ тэрээк сүгэнэн бэркэ кэрдэр, сатаан таҥастыыр улахан маас-
тар быһыылааҕа. Бүтэй тоһоҕотун курдук мастары сиргэ тэл-
гэтэ ууран баран, телеграф остуолбата буолуохтаах эриэ-дэхси
тэҥ мастары онно кэчигирэччи тэлгээн, куурдан дьаарыстыыр-
бытын, хатырыгын суллуурбутун өйдүүбүн. Ити курдук күтүөт
Уйбаныап соҕотоҕун бэлэмнээбит остуолбалара Тандаттан Тиит
Арыыга диэри турбуттарын кэлин ааһан иһэн: «Ити күтүөт Уйба-
ныап биһикки бэлэмнээбит остуолбаларбыт», — диэн улаханнык
киэн тутта, астына көрөрүм. Оччолорго «Дружба», онтон да араас
электрическай эрбии диэн сыта да суоҕа. Кытаанах илии үлэтин
сатабыл, мындыр буолуу быһаарара.
Өрүү үөрэ-көтө сылдьар үтүөкэн майгылаах монтер Уйба-
ныап тоҕо эрэ миигин олус сөбүлээн, бэркэ тапсан Тандаттан син
балачча тэйиччи үс-түөрт килэмиэтирдээх сиргэ хас сарсыарда
аайы батыһыннаран илдьэ сылдьыбыта. «Итиччэни, баччаны үлэ-
лээбитим», — диэн сатаан кэпсэнэр кыаҕым суох. Киниэхэ тугу
көмөлөспүппүн да үчүгэйдик өйдөөбөт эбиппин. Ол эрээри, адьас
тэҥнээх дьон курдук батысыһа сылдьан үлэлээбиппит.
Кини маһы олох тулуппакка охторорун, маһы таҥастыыр
саталын сөҕө көрөн өйдөөн хаалбыппын. Оччолорго улахан
саастаахтар кыралары оннук үлэҕэ уһуйар, үөрэтэр арааһа улахан
киэҥ аймахха сахалар бэйэлэрин норуодунай ньымалара эбит. Аҕа
саастаах убайгын, саҥаскын, эдьиийгин утары саҥарары, этиһэри
төрөппүттэрбит кытаанахтык буойаллара эрдэттэн анаан-минээн
сэрэтэллэрэ даҕаны. Аҕа саастаах аймаххын кытта тапсан тугу
131