Page 135 - Агабыт туьунан иьирэх тылынан

Онтон Ньукулай Тандаҕа кэлбит. Арай биһиэхэ наар тиэстэр
уонна улахан дьон: «Ити монтер уол - дьиибэ уол. Дьону кытта
кэпсэппэт, кэллэ да кыыс хоһугар ааһар», - диэн кэпсэтэллэрин
истэбин. Оччолорго мин биэс саастааҕым быһыылааҕа. Арай
биирдэ таһырдьа оонньуу сырыттахпытына, Ньукулай кэллэ. Мин
сис туттан баран, иннигэр тиийэн турунан кэбистим уонна: «Эн
тоҕо наар биһиэхэ кэлэҕин?» - диэн ыйыттым. Киһим төбөтүн тар-
банна уонна: «Ээ, наадалаахпын», - диир. Онтум эдьиийбэр Арап-
пыаска тиэстэр эбит.
Эдьиийим Араппыас эдэр сылдьан тыҥатынан ыалдьа сыл-
дьыбыт. Ол иһин буолуо, наар дьиэҕэ баар буолааччы, күрүчүө-
гүнэн куруһуба баайар этэ. Ороно барыта куруһуба, хомуота ку-
руһуба сабыылаах, таас истикилээҥкэни куруһубанан бүрүйэ
баайан, онно күрүчүөгүн, испииссэтин угар этэ. Өссө наһаа үчү-
гэйдик гладинан быысапкалыыр этэ. Наһаа мааны кыыс этэ.
Онтон арай сыбаайбалара буолла. Эдьиийим Араппыас
маҥан куопта, плиссе дьууппа кэттэ, дьууппатын кылабачыгас
кэтит хара курунан курданна, онто наһаа үчүгэй кыһыл көмүс
дьүһүннээх пряжкалаах этэ. Ол курга наһаа ымсыырар этим. Эһэм
Былаас сис туттан баран астына-астына төттөрү-таары хаамыта-
лыыр. Сыбаайба ханна буолбутун тоҕо эрэ өйдөөбөппүн. Миигин
илдьэ барбатахтар быһыылаах.
Аҕам тутуу үлэһитэ буолан, Уйбаныаптарга биһиги дьиэ-
битин сэргэстэһэ уһаайба ылан дьиэ туппуттара. Оһоҕун аҕам
бэйэтэ оҥорбута, хойукка диэри ол оһох турбута. Эһэлээх эбэм,
Араппыас урут биһигини кытта олорбуттара, онтон ити дьиэ ту-
туллан, көспүттэрэ. Онон Уйбаныаптары кытта ыаллыы олорон,
бииргэ хотоннонон, ылсан-бэрсэн олус бэркэ олорбуппут. Биһи-
ги, Макеевтар, кыра оҕолорбут кинилэр оҕолорун кытта тэҥҥэ
биир ыал оҕолорун курдук улааппыттара. Биһиги, улахан оҕолор,
убайбытын Баанньысканы кытта бииргэ буккуһан улааппыппыт.
Баанньыска (Аргунов Иван Петрович) эбэтигэр иитиллибитэ,
онон эмиэ Уйбаныаптары кытта бииргэ олорон, ити сэттэ оҕону
барыларын оҕолоспута.
Ньукулай Танда ыалыгар барытыгар уот тардыбыта, Танда
уоттанан эмискэ сандаарбыта. Ити арааһа 1958-1959 сыллар
диэки буолуо.
Кини биһиэхэ бэйэтин оҕолорун курдук кыһаллар этэ. Мин
бэһис дуу алтыс дуу кылааһы бүтэрбит сылбар Тиит Арыыга
сайылаан олордохпутуна, арай аҕам куораттан таҥас сууйар
массыына таһаарда. Ол массыынаны үлэлэтэрбитигэр балтым
Люба сүбэһиппит буолбута Кини Саккырыырга эдьиийбит аахха
133