Page 136 - Агабыт туьунан иьирэх тылынан

Сыроватскайдарга олорон төрдүс кылааһы бүтэрбит этэ. Сыроват-
скайдар таҥас сууйар массыыналаах эбиттэр, ол иһин Люба таҥас
сууйар массыынаны хайдах үлэлэтэри билэр эбит этэ. Ол мас-
сыынаны үлэлэтэрбитигэр киһи бөҕө мустубута. Бары сөҕүү-мах-
тайыы бөҕө буолбуттара. «Адьас таҥаһы алдьатыах курдук ыты-
йар дии», - дэспиттэрэ. Онтон эрийэн ыктарарга «адьас өтүүктээн
таһаарар эбит» дэһии буолбута. Ол саҕана кимиэхэ да таҥас суу-
йар массыына суох этэ. Кэлин билбитим, ол массыынаны Уйба-
ныап Ньукулай ханнык эрэ үрдүк сололоох дьахтарга киирэн, «10
оҕолоох Герой-ийэҕэ маннык таҥас сууйар массыына наадалаах»
диэн кэпсэтэн бэрдэрбит эбит. Ити 1970 сыллаахха этэ.
Оскуоланы саҥардыы бүтэрэн баран, биһиги үс кыыс, На-
ходкина Василиса, Герасимова Зоя уонна мин буолан, куоракка
абитуриенныы киирдибит. Түһэр сирбит суох. Күнү быһа уулус-
саҕа мээнэ сылдьан баран, киэһэ утуйарбытыгар, кыргыттарым
билэллэрэ да бэрт, «манна уус алданнар олороллор» диэн биир
ыалга киирбиппит. «Биһигини хонноруоххут дуо? Биһиги аби-
туриеннарбыт, Уус Алдантан сылдьабыт», - диэбиппит. Онуоха
ыалбыт дьиэлэрин крышатыгар биир хоннорбуттара. Онтон аны
Василиса аҕатын табаарыһыгар даачаҕа хоммуппут. Өссө Зоя ай-
маҕар биир хоммуппут. Бары биирдии эрэ хоннорбуттара. Оннук
уулуссаны кэрийэ сырыттахпытына, Уйбаныап Ньукулай көрсө
түһэн: «Эс, хайдах маннык сылдьаҕыт?» диэн, быраатын Бүөтүр
дьиэтигэр илдьэн олохтообута. Быраата уоппускатын ылан Намҥа
тахсаары сылдьар этэ. Уопсайга кыра хоско олорор этэ. Дьэ, онтон
киһилии олорбуппут.
Мындаабаҕа ыал буолан олордохпутуна куруутун биһиэхэ
сылдьар, хонор этэ. Кэлин, эдьиийим Араппыас суох буолтун кэн-
нэ, Өлөөнө диэн биир дойдулааҕын көрсөн олус тапсан олорбутта-
ра. Өлөөнөтүн кытта биһиэхэ сылдьан арааһы сэһэргиир, чэйдиир
этилэр.
Ньукулай элбэҕи ааҕар, суруйар эбит этэ. Хоһоонноро оройуон
«Ленинскэй тэрийээччи» хаһыатыгар бэчээттэнэллэрэ.
Ньукулай Аҕа дойду сэриитин бэтэрээнэ этэ, Сталинтан, Мао
Цзэдунтан хайҕал суруктардааҕа.
Ити курдук сэттэ оҕо амарах аҕата дойдубутугар ыар сэ-
рии кэмнэригэр ол саҕанааҕы дьонтон туора турбакка, дойдутун
көмүскэспит, эйэлээх олоххо үлэ бөҕөнү үлэлээбит, биһиэхэ, ки-
нилэртэн эдэр көлүөнэҕэ, холобур буолар дьонтон биирдэстэрэ
буолар.
Марфа Николаевна АНДРЕЕВА

134