Page 31 - Агабыт туьунан иьирэх тылынан

хойутаан хаалбыттар. Кинини 1927 сыллаахха саас билиҥҥи
областной балыыһа таһыгар, кинини кытта өссө алта киһи-
ни, кыһыллар чуут биир күнүнэн эрдэлээн ытан кэбиспиттэр.
Барашков дьонун-сэргэтин үҥсүүтэ уонна Сэбиэскэй былаас
органнарын быһаарыыта маннык ис хоһооннооҕо эбитэ үһү:
«Барашков кэнники Сэбиэскэй былааска туһалаах киһи буо-
луоҕа, онон кинини ытымаҥ, босхолооҥ» диэн. Бу этии бары-
та Барашков кэминээҕи дьон кэпсээнэ. Кинини утары турбут
дьон да кэпсээнэ эмиэ баар. Төһөтө кырдьыга, сымыйата бил-
либэт. Мин тугу истибиппин этэрим - көнө дьыала.

Бороҕоҥҥо бастакы электростанция
Мүрүгэ бастакы электростанция 1936 сыллаахха Томторго
тутуллан киирбит буоллаҕына, билиҥҥи Бороҕон сэлиэнньэтигэр
бастакы электростанция сэрии кэнниттэн 1948 сыллаахха тэрил-
лэн үлэҕэ киирбитэ.
Томторго бастакы электростанция уһуннук үлэлээбэтэх
этэ. Ол идэлээх кадр суоҕунан, оройуон киинэ сэлиэнньэ Боро-
ҕоҥҥо көһүүтүнэн буолбута өйдөнөр. Бороҕоҥҥо бастакы элек­
тростанция олохтонуутугар араас норуот дьоно үлэлээбиттэрэ:
биһигини, сахалары, кытары мордвиннар, нууччалар, чехтэр.
1948 сыллаахха оччотооҕу промкомбинат хонтуоратын алын
өттүгэр күөл кытыытын диэки лесопильнай собуот диэн турара.
Бу собуот циркулярнай эрбиинэн мас эрбэтэр уонна пилорамаҕа
мас хайытар быһыылааҕа. Хаһааҥҥыттан итиннэ турбутун, үлэҕэ
киирбитин билбэппин. Арай мин истэрбинэн ити лесопильнай
собуот оччотооҕу райжилотдел иһинэн тэриллибитэ үһү уонна Бо-
роҕон дьиэлэрин тутуутун саҕалааһын кини хайытан таһаарбыт
матырыйаалынан саҕаламмыта үһү.
Бу лесопильнай собуот 1948 сыллаахха Бороҕоҥҥо бастакы
электростанциянан буолбута. Өссө ити иннинэ 1947 сыллаахха
тулатынааҕы ыалларыгар кыратык уоту эмиэ биэрэ сылдьыбы-
та. Ол туһунан таарыччы манныгы этэн аһарарым наадалаах.
1947 сыллаахха күһүн мин промкомбинат хонтуоратын таһынаа-
ҕы биир ыалга дьукаах олорбутум. Лесопильнай собуот биһигит-
тэн адьас чугаһа. Ол иһин ити собуот үлэтин уонна онно үлэлиир
дьону күннэтэ кэриэтэ көрөрүм. Алтынньыга дуу, сэтинньигэ дуу
аттынааҕы ыалларыгар уонна промкомбинат столярнай сыаҕар
бастакы электрическэй уоту биэрбиттэрэ. Ол иһин столярдары
киэһэ эмиэ үлэлэтэр буола сылдьыбыттара. Собуокка оччотооҕуга

29