Page 34 - Агабыт туьунан иьирэх тылынан

кылаастаах оскуолатын эмиэ кини маастардаан, ыйан-кэрдэн тут-
тарбыта диэн билигин Бороҕон сэлиэнньэтигэр олорор эмээхсинэ
Елена кэпсиир.
Д.В. Ушницкай Дүпсүн умайбыт оскуолатын оннугар саҥа
тутуллар оскуола чертеһун куораттан ылан тахсан, чертеһунан
маастардаан оскуоланы туттарбыта. Онно биир алҕаһы оҥор-
бутун туһунан маннык эппитэ: «Умайбыт оскуолам көрүдүөрүн
туоратын сыыһа мээрэйдээн кэбистим, онон билиҥҥи оскуолам
көрүдүөрэ уруккутунааҕар синньээтэ, ону аныгы ыччат соччо ту-
туспат инилэр. Киһи төһөлөөх да толкуйдаатар, алҕаһыыр буо-
лар эбит», - диэн эппитэ. Кин бэйэтин кыанар, модьу, бигэ-таҕа
киһи этэ. Кинини куруук Кэссиэ Тайыыкката диэн ааттыыллара.
Бороҕон электростанцията үлэҕэ киириитигэр уонна кэнники да
сылларга электростанцияҕа сыралаһан үлэлэспит биир киһи ки­
ни буолар.
Сергей Адамович Фок уонна кини уола Олег Вячеславович
Моттель. Кинилэр Бороҕоҥҥо бастаан Ильич уота киириитигэр
саамай сүрүн оруолу ылбыт дьон. С.А. Фок 1948 сыл сайын кэл-
битэ, оттон уола уола О.В. Моттель оҕонньортон биир сыл урут
1947 сыл сайын кэлбит этэ. Оҕонньор ити 1948 сыл сайыныттан
дуу, күһүнүттэн дуу электронстанцияҕа инженерынан үлэлээ-
битэ, уола О.В. Монтель электромонтерунан үлэлээбит. Ол Олегы
Фок оҕонньор уола дииллэрэ. Дьиҥинэн, оччотооҕуга мин истии-
бинэн, ол Олег Фок оҕонньор уола буолбатах этэ, сиэнэ дуу, чугас
уруута дуу буолара. Ол аат кинини кытта бииргэ төрөөбүт дьахтар
уола дуу эбэтэр чугас уруутун уола дуу буолара. Олег аҕата ханна
эрэ сэриигэ дуу, туохха эрэ дуу өлбүт курдук истэрим. Омукта-
рынан хайа омук буолаллара чопчу биллибэт. Сорохтор немецтэр
дииллэрэ, сорохтор Прибалтика диэкиттэн кэлбит эстоннар дуу,
латыштар дуу дииллэрэ. Онтон мин истиибинэн, чехтэр этилэрэ.
С.А. Фок уҥуоҕунан наһаа уһун киһи этэ, аа-дьуо биир саһаан
үрдүктээҕэ. Акыгыр соҕус уҥуохтааҕа, балачча сааһырбыт, кыр-
дьаҕас оҕонньор этэ. Мин көрөрбөр өрүү хара дьүһүннээх, оҕунуох
былаастаах телогрейканы кэтэ сылдьар буолара. Уопсайынан да,
тас таҥаһа-саба барыта бэрт боростуой, мара, эргэ буолуо ээ. От­
тон уола Олег, биир саһаан да буолбатар, сүрдээх уһун, арааһа 180
см тахса сыһа быһыылааҕа. Сөп соҕус киэҥ харахтааҕа, үрдүк
муруннааҕа, көбүс-көнө уҥуохтааҕа. С.А. Фок оҕонньор бэйэтэ,
дьиҥинэн, инженернэй үөрэҕэ суоҕа. Дуоһунаһа эрэ инженер этэ.
Уола Олег эмиэ кыра үөрэхтээҕэ. Кинилэр промкомбинат салал-
татынан үлэлииллэрин дуу, суоҕун дуу оччотооҕуга мин билбэт
этим. Ити кыһыны туораан 1949 сыл саас кус кэлбитин кэннэ С.А.
32