Page 32 - Агабыт туьунан иьирэх тылынан

механигынан нуучча киһитэ Николай Мефодиевич Иванов
үлэлиирэ. Солбуйар механигынан итиннэ төрүкү үлэлии сылдьар
Афанасий Саввич Портнягин (Сарылыыр) этэ. Электромонтеру-
нан ити сыл кэлбит Олег Вячеславович Моттель, машиниһынан
Данил Васильевич Ушницкай, кочегарынан Василий Кирикович
Белямов уонна Марфа Ивановна Бурцева итиэннэ водовозчигы-
нан Ирина Олесова (аҕатын аатын билбэтим) үлэлээбиттэрэ. Он­
тон промкомбинат директорынан Гаврил Гаврильевич Рожин
үлэлиирэ. Кинини Михаил Иннокентьевич Румянцев (билигин
сельхозхимия үлэһитэ) үгүстүк солбуйар этэ. Ити барыта 1947
сыллаахха этэ.
Аны 1948 сыллаахха күһүн, бадаҕа сэтинньигэ, бу дьон
үлэлиир ити лесопильнай собуоттара Бороҕоҥҥо бастакы элек-
трическэй уоту сандаарпыта. Онно Данил Васильевич Ушницкай
машиниһынан, Михаил Иннокентьевич Румянцев дьаһайааччы,
көмөлөһөөччү быһыытынан, Марфа Ивановна Бурцева кочега-
рынан уонна Ирина Олесова водовозчигынан үлэлээбиттэрэ.
Оттон урукку механик Николай Мефодиевич Иванов ити элек­
тростанция олохтонуон иннинэ 1948 сыллааҕы сайын уурайан
Дьокуускайга киирбитэ. Кини оннугар собуот механигынан Афа­
насий Саввич Портнягин буолбута. Оттон электростанция инже-
нерынан ити сайын эрдэ кэлбит Сергей Адольфович Фок, элек-
тромонтерунан өссө С.А. Фок иннинэ 1947 сытан үлэлээбит Олег
Вячеславович Моттель буолбуттара. Дьэ итилэр аан маҥнай элек-
тростанцияҕа үлэлээбит 1948 сыллара Бороҕоҥҥо бастакы элек-
троуот киирбит сыла буолар. Онон, быйыл 1983 сылга сэтинньи-
гэ дуу, Бороҕон сэлиэнньэтигэр Ильич сырдык уота чаҕылыччы
тыкпыта 35 сылын туолар.
Бу электронстанция электросетэ оҥоһуллуутугар Бороҕон
сэлиэнньэтин иһинээҕи сибээс тэрилтэтэ балачча обургу кө-
мөнү оҥорбута. Ол маннык этэ: саҥа оҥоһуллар электросеть үлэтэ
элбэҕэ бэрт буолан хааттарымына, электростанция орто сибээс-
тэн көмө көрдөөн сибээс монтердарын тас линия тардыытыгар
уонна ыалларга ис провод оҥоһуутугар көмөҕө ылаллара. Ол кур-
дук, оччотооҕуга почта начальнига Сидор Иванович Васильев со-
рудаҕынан почтаттан монтердар Андрей Афанасьевич Ефимов
уонна Николай Васильевич Яковлев (кини билигин Бороҕон АТС-
гар үлэлиир) итиэннэ оччотооҕуга радиоузел начальнига Нико­
лай Дмитриевич Арсентьев (билигин Бороҕон АТС-гар үлэлиир)
сорудаҕынан мин, Николай Матвеевич Иванов, уонна сибээс атын
хас да монтердара буоламмыт электричество ис-тас проводтарын
тардыытыгар элбэхтик көмөлөспүтүм. Ол курдук Бороҕон илин
30