Page 15 - Уруйдуогун улуу кыайыыны

ЭЙЭЛЭЭХ ХАЛЛААНЫ БЭЛЭХТЭЭБИТ ЭҺЭЛЭРБИНЭН
КИЭН ТУТТАБЫН

(1910-1994 гг.)
Крылов Травников
Дмитрий Матвей
Гаврильевич Петрович

Г.В. Егоров аатынан Мүрү 1 №-дээх орто оскуолатын
3-с кылааһын үөрэнээччитэ Уйгулана Атласова.
Салайааччы Евдокия Дмитриевна Васильева

Аҕа дойду Улуу сэриитэ биир да ыалы таһынан
тумнан ааспатаҕа буолуо. Аҕа дойду чиэһин көмүскүү
норуот бүттүүн туруммута. Ол аата байыаннайдар,
фроҥҥа ыҥырыллыбыт аҕалар, убайдар эрэ буолбакка, холкуостарга, за-
водтарга, оскуолаларга ханна барытыгар хаалбыт кырдьаҕастыын, оҕо-
луун, дьахтардыын бары өстөөҕүутары Кыайыы туһугар өрө турбуттара.
Ол курдук, биһиги ыал киэн туттар, Улуу Кыайыыны уһансыбыт
дьоммут туһунан кэпсиэхпин баҕарабын.
Ийэм өттүнэн хос-хос эһэм Матвей Петрович Травников - уоттаах сэ-
рии кыттыылааҕа. Кини 1910 с. Ярославскай уобаласка төрөөбүтэ. Аҕа
дойду Улуу сэриитигэр кыттыытын 1943 сыл от ыйын 25 күнүгэр бастакы
Украинскай фронт сэттис гвардейскай танковай корпус самоходнай-ар-
тиллерийскай полкатын саллаатынан Орел куораттан саҕалаабыта. Бер-
лиҥҥэ тиийэ сэриилэспитэ. Чехословакияны босхолооһун, Берлин уонна
Прага кыргыһыыларын кыттыылааҕа. Сэриини 1945 сыл ыам ыйын 31
күнүгэр түмүктээбитэ. Элбэх бойобуой наҕараадалаах, мэтээллэрдээх:
«За победу над Германией в Великой Отечественной войне 1941-1945
гг.», «За освобождение Праги», «За взятие Берлина», «За освобождение
Донбасса от немецких захватчиков», «Благодарность от И.В. Сталина за
отличные боевые действия при овладении Берлином, Дрезденом и осво­
бождении Праги». Хомойуох иһин, хос эбэм эрдэ күн сириттэн күрэммит