Page 54 - Нэһилиэк төһүү дьоно

Этиҥ эрэ, таптыыр, ытыктыыр оҕоииьотторум,
Эһигинэ суох мин хайдах олох олоробун ?
Силиһим эһиги силискититтэн тардыһар,
Мутугум эһиги мутуккутунуун куустуһар.
Мин ыччатым эһиги таскытыгар
Бэрдъигэс буолан бииртэн биир быгаллар,
Ханна барыай? Үлэҕэ сылаа да баара,
Ол эрээри эстэн турбатаххыт аара.
Оҕонньоттор — охтубатах мунурааттар,
Билэн олордоххут кэлэр дъылҕабытын,
Эһиги сааскытын дьыллар умнубуттар,
Арай кун уулларбат баттаххыт кырыатын.
Мин чуумпутук ытыктыы көрөбун
Чарчаласпыт унуох тарбахтаргытын
Уонна тоҕо эрэ олус сөҕөбүн
Ыаммыт талахтыы бөҕө туруккутун.
Оҕонньоттор — ымыттыбат ытаһа дьон,
Көрдөһөбун, уһуннук эрэ олору/г,
Мин эһигини бу суруйар хоһооммор
Тойон сэргэ оҥорон уруйдуубун.
Бу олорон хайдах эрэ өйбөр оҥорон оҕонньотторбун көрөр,
күргүөмнээх күлсүүлэрин истэр курдукпун. Эчи, барахсаттарым,
бу үчүгэйдэрин, сымнаҕастарын, холкуларын. Кинилэрбааллара
хайдах эрэ айылҕаны киэргэтэр курдук буолара. Бары даҕаны
бэйэ-бэйэлэрин сҥгэрсэн биэрэллэрэ. Ордук үчүгэй кэм окко сүө-
һү өлөрөр киэһэҕэ буолара. Онно оҕо курдук үөрсэллэрэ. Чэпчэ-
ки, сырдык баҕайытык күлсэллэрэ, хаадьылаһар, дьээбэлэһэр
этилэр. Билигин сааһыран олорон ону олус суохтуубун. Хайдах
эрэ күнүскү күргүөмэ тохтообут, чуумпурбут көлүччэҕэ майгын-
ны ыбын.
Тэнийэн хаалаары гынным. Ити мин оҕонньотторум бастыҥ
табаарыстара, салайааччылара Сэмэнчик этэ ээ. Онон кини үлэ-
тин, майгытын ордук сырдаттым дуу дии саныыбын. Сэмэнчик
тус олоҕор эмиэ дьоллоох, үтүө майгылаах киһини дьол бэйэтэ
даҕаны сиэтэ сылдьар дуу диибин. Талбыт курдук алта оҕолоох.
Бары үлэһит дьон. Үс оҕото үрдүк үөрэхтээх. Бэйэлэрэ улахан
тэрилтэлэри дьаһайар түс-бас дьон. Сэмэнчиги ахтыбат буолар
табыллыбат. Аҕынныбыт. Кини быйыл Дьокуускайга үлэлиир
уолугар кыстаата.