Page 105 - Сэрии кэмин оҕолоро 2 кинигэ

НАЙАХЫ нэһилизгэ

саастаахпар) арахсан барбыта. Онон ийэм үс оҕотун соҕотоҕун
иитэлээн, сүһүөхпүтүгэр туруортаабыта.
Оччотооҕу кэмҥэ 50-60 сылларга интэринээт баар буолан
соҕотох ийэбэр улахан көмө буолбута. Мин орто оскуоланы
1964 с. Өлүөхүмэ оройуонун Токко оскуолатын оскуола-интэ-
ринээтигэр үөрэнэн бүтэрбитим. 1965 с. оскуола-интэринээккэ
ырыа учуутатынан, иитээччинэн үлэлии сылдьыбытым.
1966 с. Саха государственнай университетын саха салаатыгар
киирэн устудьуон буолбутум. 1971 с. бүтэрбитим. Бүтэрээт, Уус
Алдан улууһутар Найахы орто оскуолатыгар саха тылын, литера-
туратын учууталынан ананан үлэлии кэлбитим, бочуоттаах сын-
ньалаҥҥа тахсыахпар диэри үлэлээбитим.
Манна олоҕум доҕорун көрсөн Готовцев Дмитрий Пантелеймоновичтыын холбоһон
ыал буолан 12 сыл эрэ олорбуппут. 1984 сыллаахха кэргэним Д.П. Готовцев ыара-
хан ыарыыттан баара-суоҕа 42 эрэ сааһыгар ыалдьан өлөөхтөөбүтэ. Онон 1984 сылтан
аҥаардас ийэ быһыытынан соҕотоҕун 3 оҕобун иитэлээн, дьон оҥортоон сүһүөхтэри-
гзр туруортаатым.
Улаханым Готовцев Дмитрий Дмитрьевич 1971 сыллаах төрүөх. Бэйэтэ туспа ыал
аҕата. Кэргэнэ Муома кыыһа Готовцева Анна Степановна. Биир уол оҕолоохтор, сиэн-
нэрдээхтэр. Орго оҕом, улахан кыыһым Готовцева-Аммосова Светлана Дмитрьевна
1973 с. төрүөх, эмиэ туспа ыал ийэтэ. Билигин Тандаҕа олоролтор. Аччыгый оҕом Го-
товцева Анастасия Дмитрьевна 1979 с. төрүөх. Ыал ийэтэ. Инженер үөрэхтээх.
Б а л ы к т а а х б ө һ ү ө л эгэ

Иванова Валентина Ивановна

Мин 1940 сыл ахсынньы 23 күнүгэр Алдан оройуонун Кута-
на бөһүөлэгэр төрөөбүтүм. Ийэм Соловьева Улита Алексеевна
1920 с., аҕам Бубякин Иван Семенович 1914 с. төрөөбүттэрэ,
1936 сыллаахха ыал буолбуттара. 12 оҕону төрөппүттэриттэн 4
оҕо өлбүтэ. Аҕам сэриигэ 1942 с. барар, 1943 с. атаҕар, илии-
тигэр бааһыран төннөн кэлэн, холкуоска биригэдьииринэн
үлэлээбитэ. Мин Учур оройуонун Белкачи бөһүөлэгэр оскуо-
лаҕа киирбитим. 4 сыл үөрэммитим кэннэ Белкачи оскуолатын
Кутанаҕа көһөрбүттэрэ. Онно 8-с кылааһы бүтэрбитим. Аҕам
1956 сьшлаахха 42 сааһыгар ыалдьан өлбүтэ. 7 оҕо тулаайах хаал-
быппыт. Ийэм ыанньыксыттыыр этэ. Дьэ онно эрэй бөҕөнү
көрбүппүт. От-мас тиийбэккэ, сүөһүбүтүн эспиппит. Быраатым
ьггыы-ытыы оҕуһунан мас тиэйэрэ. Оччолорго туох да көмө суоҕа, ас-таҥас тиийбэк-
кэ эрэйдэнэрбит. Өрүстэн уу баһарбыт. Ырааҕа бэрт, аны, тоҥон, ытыы-ытыы, үрдүк
сыыры нэһиилэ таһаарар этибит. Ийэм үлэлиир кэмигэр балыстарбын бэйэм аһатан,
көрөн олорбутум. Ийэм хос сиэннэрин көрөн, 1997 с. күн сиритгэн барбыта

2 0 2 0 с ь и

101