Page 267 - Сэрии кэмин оҕолоро 2 кинигэ

ТҮҮЛЭЭХ нэһилиэгэ

һынан тардан бурдуктанар этибит. Онон дэппиэскэ он ороддо-
ро. Ону аччыктаатахпытына сиирбит. Ол саҕана балык, куобах
баар буолан абыраабыта. Ким эмэ үрэххэ быһыт быһан күстэх
ылан үөллэҕинэ, ону сиир олус да бэрт этэ.
Сорох сыл Арҕаа Төбөҕө оҕуруот аһын олордууга үлэлиирбит.
Онно Оллонов Сүөдэр икки өтөххө хаппыыста олордоро, уонча
оҕо буолан үлэлиир этибит. Сүөдэр маһынан насос, бааһына
ортотугар хаптаһынынан улахан иһит оҥорбута, ууну онно ха-
чайдыыра уонна оҕолор онтон хаппыыстаҕа уу таһарбыт. Күһүн
эмиэ барыгын бэйэбит хомуйарбыт. Ханна илдьэллэрин билбэт
этибит. Үгүс оҕо атах сыгынньах сылдьан үлэлиирбит.
Кэлин, улаатан баран, 17 сааспар Быһыттаах ферматыгар 4
ыанньыксыкка бостууктаабытым. Күһүн кыстыкка киириигэ миэхэ 15 ынаҕы биэрэн-
нэр ыанньыксыт буоллум. Уонна Танда төрдүгэр көһөн бардыбыт. 1958 сыл сэтинньигэ
Бээрийэҕэ Мээнди диэн сиргэ ферма баар этэ. Үс улахан хотонунан кыстаан олорол-
лоро. Мин онно Варвара Александровнаны кэргэн ылаары тиийбитим. Кини онно
ийэтинээн ыанньыксыттыыр этилэр. Ыал буолан 4 сыл онно олорон эрэ үлэлээбип-
пит. Фермаҕа от тиэйиитигэр анаабыттара, үс оҕус, биир ат, онон 4 көлөнөн кыһыны
быһа от тиэйиитигэр сылдьыбытым. 1962 сыллаахха үһүөн көһөн кэлбиппит. Дириҥ
Атах ферматыгар иккиэн ыанньыксыттаабыппыт.
Эдэр буоламмыт кыһынын ыраах фермаҕа кыстата ыытар буолбуттара: Хотуоһап,
Хаттыгы, Халыма, Саастыма, Арҕаа Төбө фермаларга. Сайынын Бүгэр, Дьэкимдэ,
Арҕаа Төбө фермаларыгар. Ити курдук сүөһү араас үлэтигэр 19 сыл үлэлээбитим. Ыан-
ньык ынахтарбын, үлэбин 1975 сыллаахха ахсынньыга туттарбытым.
Онон 1976 сыл тохсунньутуттан Суоттуга тырахтарыыс идэтин ылаары үөрэххэ
барбытым. От ыйыгар диэри үөрэммитим. Үөрэхпитигэр саастаах киһи диэн суоҕун
кэриэтэ этэ. 5-6 кыыс суоппар үөрэҕэр үөрэнэллэрэ. Оччолорго Неустроева Галя суоп-
пар үөрэҕэр үөрэнэ сыддьара.
Үөрэхпин бүтэрэн кэлбитим кэннэ, Бииктэр Винокуров оччолорго мэхээнньиктиир
этэ, биир эргэ ДТ-75 тыраахтары биэрдэ. Кыһыннары, сайыннары үлэ бөҕөтө буоллум.
1977 сыллаахха саҥа ДТ-75 тыраахтар кэллэ, биригээдэ сэбиэтэ мунньахтаан баран
ол тыраахтары миэхэ биэрэрин туһунан биллэрдэ. Саҥа аата саҥа, үлэ күөстүү оргуйда.
1979 сыплаахха Гражданскай сэрии геройа Г.В. Егоров төрөөбүтэ 100 сылыгар анал-
лаах тырахтарыыстар икки ардыларыгар социалистическай куоталаһыыга бастаабытым,
лауреат аатын ылбытым уонна «москвич» массыына фондатынан наҕараадаламмытым.
1983 сыллаахха Суоттуга суоппар үөрэҕэр үөрэммитим. Үөрэхпин бүтэрэн, ГАС-66,
ГАС-53 массыыналарга суоппардаабытым. Таас чох, уотурба таһыыта буолара. Ити
быыһыгар араас үлэ элбэҕэ.
1987 сыл түмүгүнэн ГАЗ-53 массыынанан үлэлээн, улуус үрдүнэн социатистическай
күрэхтэһиигэ 1-кы миэстэни ылан дьиэ миэбэлинэн наҕараадаламмытым.
Үлэлээбитим устатыгар иккитэ чемпион лиэнтэтин кэтэн турабын, онус пятилетка
ударнига буолбутум. 1956 сылтан 2002 сылга диэри үтүмэннээх үлэни үлэлээн кэлбитим.

2020 с.

Куличкин Эрнст Иннокентьевич

Мин Мэҥэ Хаҥалас оройуонун Доллу нэһилиэгэр 1943 сыл атырдьах ыйын 3 күнү-
гэр төрөөбүтүм. Доллу Бэрдьигэстээҕэр олорбуппут. Аҕам «Энгельс» холкуоска бэрэс-
сэдээтэлинэн өр сылга үлэлээбитэ. Уопсайынан уһуннук салайар үлэҕэ үлэлээбитэ, ол
иһин биэс оскуолаҕа көһө сылдьан үөрэммитим. Оҕо саас көрүн билбэтэҕим.
Үөрэх дьыла бүттэ да, сотору от үлэтэ саҕаланара. Биирдии улахан киһи звеньевод

263