Page 264 - Сэрии кэмин оҕолоро 2 кинигэ

ТҮҮЛЭЭХ нэһилиэгэ

Винокуров Данил Дмитриевич

Мин төрөөбүт дойдум-сирим түргэн сүүрүктээх, кэрэ айыл-
ҕалаах, баай бултаах Алдан өрүстэн чугас турар Түүлээх нэһилиэ-
гин Кыллаайы бөһүөлэгэ буолар.
Аҕам — Винокуров Дмитрий Данилович, ийэм — Новогоро-
дова Анна Кононовна.
Мин Винокуровтар дьиэ кэргэннэригэр 1940 сыллаахха ба-
лаҕан ыйын 9 күнүгэр үһүс оҕонон күн сирин көрбүтүм. Ийэм,
миигин төрөтөн баран, биир ыйдаахпар ыалдьан орто дойдуттан
барбыта. Аҕам, улаханных ыалдьан, Түүлээх советын бэрэссэ-
дээтэлиттэн уурайан, уһуннук эмтэнэ сылдьар кэмэ этэ. Онон
аҕам ийэтин балта Копырина Анна Елисеевна кэргэнинээн Ко-
пырин Яков Алексеевичтыын ииппиттэрэ.
Аҕам уһун кэмҥэ ыалдьан үтүөрэн баран, 1941 — 1942 сс. холкуос бэрэссэдээтэ-
линэн үлэлээбитэ, онтон сэрии бүтүөр диэри балык биригээдэтин салайааччытынан
уонна балык тутааччынан үлэлээбитэ.
Аҕам бииргэ төрөөбүттэриттэн Винокуров Яков Данилович сэриигэ сылдьан бааһы-
ран кэлэн күн сириттэн туораабыта. Винокуров Михаил Данилович сэрииттэн кэлэн
уһун сылларга холкуоска, сопхуоска үтүө суобастаахтык үлэлээбитэ.
Аҕам биир быраата, мин иитиллибит дьоммор иитиллибит Копырин Семен Яковле-
вич сэрии бастакы сылларыгар сураҕа суох сүппүтэ.
Ийэм быраата Новгородов Тимофей Кононович дойдутугар эргиллэн кэлэн уһун
кэмҥэ холкуоска үлэлээбитэ.
Оҕо сааһым Танда үрэх үрдүгэр Быһыттаах диэн «Кыһыл Сойуус» холкуос учааста-
гар ааспыта. Син атын оҕолор курдук, үөрэххэ сэтгэ сааспар 1947 с. («0» кылаас диэн
баара) киирбитим. Ол кэмҥэ мөлтөх доруобуйатаах буолан, үс сылы быһа үөрэммитим
кэннэ, бэркиһээн 1950 сыллаахха бастакы кылааска таһаарбыгтара.
Сэрии кэмигэр олох ыар этэ, ол гынан баран наһаа аччыктаан-сутаан өлбүттэрин
бу диэн өйдөөбөппүн. Син балыктаан, бултаан, инчэҕэй тирбэҕэ быстыбатыныы тугу
булбуттарын бары үллэстэн, биир дьиэҕэ түөртүү-биэстии буолан олорбуппут. Арай
мин ииппит аҕам биир атыыра маска атаҕын өлөрбүтүн «быраактаах» диэн дьиэҕэ
киллэрэн өлөрбүтүн хас да дьиэнэн үллэстэн сиэбиттэрин өйдүүбүн. Сэрии да кэн-
ниттэн олох тута көммөтөҕө. Онон 4 кылаастан ыла саас ыһыыга, сайын от охсорго.
от кэбиһэргэ оҕус сиэтэрим. Мин үс сылы быһа Сыроватскай Дмитрий звенотугар
киирэн Саастыманан, Танда төрдүнэн, Куйукта арыытынан от үлэтигэр дойдубутган
барыахпар диэри сылдьыбытым.
1957 сыллаахха Түүлээх оскуолатын бүтэрэн, Мүрү орто оскуолатыгар үөрэххэ киир-
битим. 1959 с. Табаҕатааҕы лесокомбинакка комсомольскай путевканан тиийэн тутууга
үлэбин саҕалаабытым, ол кэнниттэн Дьокуускайынан, Ытык Күөлүнэн үлэлии сыл-
дьан, 1961 с. Совесткай Армия кэккэтигэр ыҥырыллыбытым. 1964 с. күһүн армияттан
демобилизацияланан баран, Бороҕоннооҕу тутуу учаастагар үлэҕэ киирбитим. Барыта
21 сыл устата болуотунньугунан, биригэдьииринэн, тутуу үлэтин дьаһайан ыытаач-
чынан, экономиһынан үлэлээбитим.
1985 с. Дьокуускайга ПМК-572 ОТИС отделын старшай инженеринэн анаммытым.
Оччолорго ПМК-572 маннык оройуоннар тутууларын учаастактара киирэллэрэ: Мэнэ
Хаҥалас. Чурапчы, Уус Алдан, Амма, Таатта, Нам, Горнай, Уус Маайа.
1993 с. «Якутагропромстрой» объединение производственнай отделын сүрүн ин-
женеринэн үлэлии сылдьан, тутуу тэрилтэтэ ыһыллыбытынан сибээстээн, 1994 с.
биэнсийэҕэ тахсыбытым. Үлэбин сыаналаан Саха АССР норуотун хаһаайыстыбатын
үтүөлээх үлэһитэ буолбутум.
29.11.2020

260