Page 291 - Сэрии кэмин оҕолоро 2 кинигэ

IХОРО нэһилиэгэ

1989-1991 сылларга Госстрахтарга үлэлээбитим. Кэлин библиотекаҕа булҕаахтарынан
улэлии сылдьан биэнсийэҕэ тахсыбытым.
1993 сыллаахха Чарантан уһаайба ылан Носовкаҕа дьиэ туттубуппут. Биэнсийэҕэ
гахсан сиэн көрөн оҕолорбун үлэлэппитим. Билигин 2 оҕолоохпун, 4 сиэннээхпин.
Ч араҥ б ө һ уө л эгэ
Ы ам ы йы н 16 к ү н э 2 0 1 9 с.

Васильева Роза Николаевна

Мин Өнөр нэһилиэгэр Елена, Николай Лукачевскайдар дьиэ
кэргэннэригэр 1935 сыллаахха бэс ыйын 20 күнүгэр төрөөбүтүм.
Оҕо сааһым сэрии уорааннаах тыыныгар хабырыттаран ааспыта.
Аҕам стахановец, тимири бэйэтэ уһаарар билтэр уус этэ, тими-
рин сааҕа билигин да Чэриктэйгэ сытар. Уус Алдан оройуонун
типографиятын бастакы хаһыата тахсыытыгар Ленин клише-
тын оҥорбута. Баахыла формаларын оҥортообута дьоҥҥо баа-
ра. 1942 сыллаахха сэриигэ ыҥырыллан барбыта. Ийэм түөрт
оҕолоох сэрии сут дьылларыгар соҕотоҕун туран хаалбыта. 1944
сыллаахха балтыбын төрөтөн баран, холкуоска үлэлии сылдьан
ыалдьан өлбүтэ. Онтон оҕолор Дүпсээ Таппатыгар атыыһыт
Бүөтүкэ диэн таайбытыгар көһөн тиийбиппит. Таайым кэргэнэ
Афанасьевтар диэн баайдар кыыстара этэ. Саҥас Аана диэн ааттыырбыт. Саҥаспыт
сатабыллаах, кэпсэтиилээх, өйдөөх дьахтар этэ. Былаастаах да диэххэ сөп. Киһи ба-
рыта киниттэн толлоро. Саҥаһым, баайдар кыыстара буолан, дьиэҕэ араас мал баара.
Патефон баарын дьон көрө-истэ кэлэлтэрэ. Саҥаһым элбэх көмүстээҕин өйдүүбүн.
Онтукатын сэрии аас-туор кэмигэр мэнэйдэһэн кэлин суох буолбуттара. Таайым
атыыһыттыы куоракка барара. Ынах арыытын билиҥҥи маргарин курдук нааһа үчү-
гэйдик суулаан бэлэмниилтэрин өйдүүбүн. Эт эмиэ атыылыыр быһыылааҕа. Саҥаһым
ынахтары күҥҥэ биэстэ ыыра, ол аайы мин ынах хомуйарым. Сарсыарда уһугунна-
ран эмиэ ыытара. Киэһэ хараҥаҕа үгүстүк соҕотоҕун сылдьарым. Киһи уҥуохтарын
таһынан сылдьарбыттан наһаа куттанарым. Бурдук тардар буоларбыт. Сороҕор куруп-
палатан кэбиһэн мөҕүллэрбит. Саҥаһым лэппиэскэни таһынан доруоһатаан килиэп
буһарара. Холкуос үлэһиттэригэр ыытара. Убайдарым кус оҕолуулгара. Сэрии кэмигэр
кус оҕолоон, быччыыкалаан аһаабыппыт. Куруутун бэс сутукатаан тар хааһытын сиир-
бит. Арыыны өр буола-буола биирдэ эмэ сиирбит. Саҥаһым буһарар аһа кимнээҕэр
да минньигэс буолара. Сиидэлэммит хойуу суораттаах күөрчэх сиирбит. Лэппиэскэни
биирдии киһиэхэ тоһутан үллэрэллэрэ. Таайым куораттан биһиэхэ таҥас аҕаларын
өйдүүбүн. Саҥаһым түрүкүө таҥаһы биэрэн баран убайгар, бырааттаргар ыстаанна
тик диирэ. Ону мин атын ыстааннары үтүгүннэрэн тигэн бооччойорум. Тулууп сону,
тэлигириэйкэни аччатан эмиэ тигэр этим. Дьонум миигин иистэнньэҥ буолсу, бу
сиигэ көнөтүн диэн илииттэн илиигэ көһөрө сылдьан көрөннөр киһиргэтэр этилэр.
Ол аайы араас былаачыйалары тигэрим. Оскуолаҕа мааны кыыс аатырарым. Нуучча
учуутал кыргыттарын таҥастарын үтүктэн тиктэр буолбутум. Бу санаатахха үүт-үкчү
учуутал курдук таҥнан сылдьыбыт эбиппин. Ол курдук сэрии кэмигэр аймахтарым
үчүгэй дьаһалчаах, сатабьшлах буоланнар аччыктааһыны билбэтэхпит. Бары Дүпсүн
орто оскуолатын бүтэрэн олох киэҥ аартыгар үктэммиппит. Аҕам сэриигэ баран 1943
сьшлаахха өлбүтэ. Смоленскай уобалас Баклаши куоракка көмүлтэн сытар.
Марта Михайловна Гуляева су р уй уут а
2 4 .0 6 .2 0 1 9 с., Ч араҥ бөһ үөл эгэ

287