Page 72 - Сэрии кэмин оҕолоро 2 кинигэ

МҮРҮ нэһилиэгэ

диэн кэпсииллэрэ. Ол кэлэн баран онон-манан тэйиччи ыһыллан олорор фермаларга
сэбиэдиссэйдээн күн аайы кэрийэн икки харананан өлүөр диэри үлэлээбитэ. Кыа-
лык диэн улахан сымнаҕас аттаах этэ. Аҕабын олус үлэһит, сымнаҕас, аһынынгас, мас
көнө киһи диэн дьон сыаналыыллар эбит этэ. Ол курдук бииргэ төрөөбүт убайдара
эмиэ сити курдук үтүөкэннээх үлэһиттэр этэ. Бары да олус сэмэй, көнө, онно-манна
биһиги дуо диэн тииспэт дьон буолан, улахан убаастабылы ылбыттара. Эчи абаҕала-
рым бөдөҥнөрө-садаҥнара, бааһынай хааннаах буолан, толуу, үтүөкэн көрүҥнээх дьон
этилэр.
Ийэм 10 саастаахпар өлбүтэ. Аҕам иккис кэргэниттэн 2 кыыһы хаалларбыта. Бэйэтэ
1952 сыллаахха өлбүтэ. Онон 5 оҕо тулаайах хаалан ыһылла сыспыппыт. Иккис ийэ-
бит Маайыс кыһалҕа бөҕөҕө киирбитэ. Мин Бороҕоҥҥо таайбар кэлэн үөрэнэн, ол
быыһыгар Дүпсээҕэ интэринээккэ олорон 8-с кылааһы бүтэрбитим. Биир бырааппын
абаҕа Быкатаах иитиэх ылбыттара. 2 быраатым эмиэ интэринээтинэн, аймахтарынан
сылдьан үөрэммиттэрэ. Ол курдук дьон кэккэтинэн анал үөрэхтэнэн, үлэлээн, оҕоло-
нон-урууланан олоҕу үчүгэйдик олорон кырыйдахпыт дии.
Бырааттарым кыра саастарыгар холкуоска оҕус сиэтиитигэр үлэлээн сылдьыбытта-
ра. Билигин бары кэргэн, оҕо-уруу, сиэн бөҕөтө буолан олороллор.
Мин 1960 сыллаахха фельдшерскэй-акушерскай отделениены бүтэрэн нэһилиэк-
тэринэн ФАП сэбиэдиссэйинэн 10 сыл фельдшер, акушерка, сиэстэрэ үлэлэрин
собус-соҕотоҕун күнүстэри-түүннэри сылдьан үлэлээбитим. 1971 сылтан тубдиспансер
клиническэй, бактериологическай лаборанынан үлэлээн, 2007 сыллаах ахсынньытыгар
диэри үлэлээн, барыта 47 сыл медыстаастаах үлэбин түмүктээбитим.
Медсулууспа улуустааҕы профсоюһутар 37 сыл үлэлээбитим ситиһиилэнэн, Россия
профсоюһун 100 сыллаах үбүлүөйүнэй мэтээлинэн наҕараадаланан астынабын.
Үлэлиир кэммэр СӨ бырабыыталыстыбатын, эмп үлэһиттэрин профсоюһун, партия
уобаластааҕы комитетын, олохтоох тэрилтэлэр грамоталарынан, махтал суруктарынан
бэлиэтэнэр этим. Үлэ бэтэрээнэбин, доруобуйа харыстабылын туйгунабын, Мүрү
нэһилиэгин Бочуоттаах олохтооҕобун.
Кыыстаахпын, уол сиэннээхпин.

2019 с., Бороҕон

Сидорова Роза Константиновна

Мин 1943 сыллаахха тохсунньу 26 күнүгэр Булуҥ оройуонун
Күһүүр бөһүөлэгэр төрөөбүтүм.
Аҕам Горохов Константин Христофорович юрист (прокурор),
ийэм Кривошапкина Ульяна Ильинична атын кьыаас учуутала
этилэр. Аҕам элэккэй, эйэҕэс, кыыһырар диэни билбэт, бултуу-
рун, балыктыырын сөбүлүүрэ. Кинини сэрии кэмигэр Булуҥҥа
анаабыттар, ийэм Күһүүргэ учууталлаабыта, завуһунан үлэлээ-
битэ. Ийэм бииргэ төрүөх сэттэлэр этэ. Кини наһаа ыалдьа-
ра, быраастан көрдөһөн-көрдөһөн миигин оҕоломмута. Миигин
төрөтөн баран, ый курдугунан суох буолаахтаабыта. Мин итэҕэс
(недоношеннай) төрөөбүппүн. Аҕам кыһыл оҕолоох хаалан, ай-
махтарбар Кривошапкиннарга ыыппыт. Куоракка кэлбиппитин,
дьонум кыайан ылбатахтар, кэтэһэ сатаан баран төттөрү аҕалбыттар.
Оччолорго төрөппүттэрим Заводскойдар диэн ыалы кытта дьукаахтаһан олороллор
эбит. Кинилэр 6 оҕолоохтор, 7-һинэн миигин ылаллар. Ийэм, бэйэтэ эмиийдээх оҕо-
лоох буолан, миигин 7 ыйбар диэри эмтэрбит. Ол курдук 5 сыл Заводскойдарга олорбу-
тум. Дьоммун ийэм, аҕам диирим. Аҕам Заводской Василий Михайлович, ийэм Завод-
ская Анна Иннокентьевна диэн наһаа эйэҕэс, сайаҕас, сымнаҕас, холку дьон этилэр.

68